ހަނގުރާމައިގެ ހާލަތު އަނެއްކާ ވެސް ގޯސްވާތީ ރަޝިއާގައި އުޅޭ ދިވެހިން ސަމާލުވުމަށް އެދިއްޖެ
ޔޫކްރެއިން-ރަޝިއާ ހަނގުރާމައިގެ ހާލަތު ގޯސްވަމުން ދާތީ ރަޝިއާގެ ކާސްކް ސަރަހައްދުގައި ދިރިއުޅޭ ދިވެހިން ސަމާލުވުމަށް އެދި ފޮރިން މިނިސްޓްރީން މިރޭ ބަޔާނެއް ނެރެފި އެވެ.
ފޮރިން މިނިސްޓްރީގެ އެ ބަޔާނުގައި ފާހަގަކޮށްފައިވާ ގޮތުގައި ހަނގުރާމައިގައި މި ދުވަސްވަރު ކާކްސް ސަރަހައްދަށް ނުރައްކާ އެބަ އޮތެވެ. އެހެންވެ އެ ސަރަހައްދުގައި ދިރިއުޅޭ ދިވެހީންގެ ހާލަތު ޖަރުމަނުގައި ހުންނަ ދިވެހި އެމްބަސީ މެދުވެރިކޮށް ބަލަމުންދާ ކަމަށް ފޮރިން މިނިސްޓްރީން ބުންޏެވެ.
އެ ސަރަހައްދުގައި ދިރިއުޅޭ ދިވެހީންގެ އިތުރުން އެ ސަރަހައްދަށް އެއްވެސް ކަމެއްގައި ދަތުރުކުރަން ޖެހިގެން ދަތުރުކުރާ ދިވެހިން އަމިއްލަ ސަލާމަތާއި ރައްކާތެރިކަމަށް ސަމާލުވުމަށް އެދިފައިވެ އެވެ.
އެއްވެސް އެހީތެރިކަމެއް ބޭނުންވާނަމަ، ޖަރުމަނުވިލާތުގައި ހުންނަ ދިވެހިރާއްޖޭގެ އެމްބަސީއާ ގުޅުމަށް އެދިފައިވެ އެވެ. އެއީ:
- ފޯން: 61 164 129 17 49+
- ހޮޓްލައިން: 60 738 200 30 49+
- އީމެއިލް: [email protected]
