ތޮއްޖެހުން ކުޑަވާނެ ގޮތަކަށް ، ކުނި އުފުލާ ގަޑި ބަދަލުކުރަން މަޝްވަރާކޮށްފި
މާލެ ސަރަހައްދުގެ މަގުތަކުގެ ތޮއްޖެހުން ކުޑަކޮށް ޓްރެފިކް މެނޭޖު ކުރަން ފަސޭހަ ގޮތަކަށް ކުނި އުފުލާ ވަގުތު ބަދަލު ކުރުމާ ގުޅޭ ގޮތުން ވެމްކޯއާއެކު ޓްރާންސްޕޯޓް މިނިސްޓްރީން މަޝްވަރާކޮށްފި އެވެ.
ވެމްކޯގެ ބައެއް ވެރިންނާއި ޓްރާންސްޕޯޓްގެ އިދާރީ އިސް މުވައްޒަފުންނާ ބައްދަލުކުރި ކަން ޓްރާންސްޕޯޓް މިނިސްޓްރީގެ އެކްސް އެކައުންޓުން ކުރި ޕޯސްޓެއްގައި ހާމަކުރި އެވެ.
އެ ބައްދަލުވުމާ ގުޅޭ ގޮތުން "ސަރުކާރު ހަބަރު" ސައިޓުގައި ބުނެފައިވާ ގޮތުން ކުރެވުނު މައިގަނޑު މަޝްވަރާއަކީ ވެމްކޯއިން ކުނި އުފުލާ ވަގުތު ބަދަލުކުރުމާ ބެހޭ މަޝްވަރާ އެވެ.
އެ މަޝްވަރާގެ މައިގަނޑު ބޭނުމަކީ މާލޭ ސަރަހައްދުގެ މަގުތަކުގެ ތޮއްޖެހުން ކުޑަކުރުން ކަމަށް ވެސް އެ ވެބްސައިޓުގައި ލިޔެފައިވެ އެވެ.
މި ކަމަކީ މި ސަރުކާރުން މިހާރު ފަށާފައިވާ "މާލެ ފަހި" ޕްރޮގްރާމްގެ ތެރޭގައި މާލެ ސަރަޙައްދުގެ މަގުތަކުގެ ތޮއްޖެހުން ހައްލުކުރުމަށް ކަނޑައަޅާފައިވާ ކަންތައްތަކުގެ ތެރޭގައި ވެސް ހިމެނޭ ކަމެކެވެ.
ފެންއުފުލާ ލޮރީތަކާ ގިނައަދަދަކައް މުދާއަރުވާގެންފިހާރަތަކާގުދަންތަކައް ގެންދާ ލޮރީތަކާ މަގުމަތީގާ ޕެލެޓު ތަކާއި ދަގަނޑު ބޮޑެތި ފުރޭމުތައް އަތުރާފާބެހެއްޓުމުން ނިކުންނަ ޕާކިންމައްސަލަތައް ކޮބައިތޯ