ގަވާއިދާ ހިލާފަށް ސެލޫން ހިންގަމުން ދިޔަ ސުޝްމީތާ ވެސް ޑީޕޯޓްކޮށްލައިފި
ރާއްޖޭގައި ގަވާއިދާ ހިލާފަށް ފުޅާ ދާއިރާއެއްގައި ބިއުޓީ ސެލޫންގެ ވިޔަފާރި ކުރަމުން އައި ސުޝްމިތާ ދައުސޮގާ ނަމަކަށް ކިޔާ ބިދޭސީއަކު އަތުލައިގަނެ، ޑީޕޯޓްކޮށްލައިފި އެވެ.
އިމިގްރޭޝަންގެ ރަސްމީ އެކްސް އެކައުންޓުން ކުރި ޕޯސްޓެއްގައި ބުނެފައިވާ ގޮތުން ސުޝްމީތާ އަތުލައިގަތީ، އެ އިދާރާގެ "އިމިގްރޭޝަން ވޮޗް"އަށް ޕޯޓަލްއަށް ލިބުނު ރިޕޯޓަކާ ގުޅިގެން ހިންގި އިންޕެކްޝަނެއްގެ ތެރެއިންނެވެ. އެއީ މި މަހުގެ 18 ވަނަ ދުވަސްކަމަށް އިމިގްރޭޝަނުން ލިޔެފައިވެ އެވެ.
އިމިގްރޭޝަނުން ބުނި ގޮތުގައި އޭނާ ފުރުވާލީ މި މަހުގެ 20 ވަނަ ދުވަހު ކަމަށް އިމިގްރޭޝަނުން ބުންޏެވެ.
ބިއުޓީ ސެލޫންގެ ވިޔަފާރި ކުރަމުން ދިޔަ ރަޖަނީ ޝްރެސްތާ (ރިޒް) ވެސް އިމިގްރޭޝަންގެ ބެލުމުގެ ދަށަށް ގެނެސް ފުރުވާލީ މި މަހުގެ 13 ވަނަ ދުވަހު އެވެ. އިމިގްރޭޝަނުން ބުނި ގޮތުގައި ރިޒް ހިންގި ސެލޫންގައި މަސައްކަތް ކުރި އިތުރު ހަތަރު ބިދޭސީއެއް ވެސް ޑީޕޯޓްކޮށްފައިވެ އެވެ.
