އަންބާނީ ބުނަނީ އިންޑިއާގެ ރިލަޔަންސް މި ދަހައިގެ ނިޔަލަށް ދެގުނަ އަށްވުރެ ބޮޑުވާނެ ކަމަށް

މުކޭޝް އަންބާނީ ވިދާޅުވެއްޖެ އިންޑިއާގެ އެންމެ ބޮޑު ކުންފުނި ކަމުގައިވާ ރިލަޔަންސް އިންޑަސްޓްރީޒް މި ދަހައިގެ ނިމުމުގެ ކުރިން ދެގުނަ އަށްވުރެ ބޮޑުވާނެ ކަމަށް. މި ވާހަކަ އަންބާނީ ވިދާޅުވީ އެ ކުންފުނީގެ އަހަރީ ޖަލްސާގައި މިއަދު ދެއްކެވި ވާހަކަފުޅުގައެވެ.

ރިލަޔަންސް އިންޑަސްޓްރީޒްގެ ޗެއަރމަން އަދި މެނޭޖިންގ ޑިރެކްޓަރ ކަމުގައިވާ އަންބާނީ ވިދާޅުވީ ކުންފުނީގެ ހުރިހާ ވިޔަފާރިތަކެއްގައި ހަލުވި ކުރިއެރުމެއް ފެންނަމުންދާ ކަމަށެވެ. އަދި ކުންފުނީގެ ޓެލެކޮމް، ރީޓެއިލް އަދި ރިނިއުބަލް އެނަރޖީ ވިޔަފާރިތަކުގެ ކުރިއެރުން އިތުރަށް ހަލުވިވާނެ ކަމަށް އެމަނިކުފާނު ވިދާޅުވިއެވެ.

މީގެ އިތުރުން އަންބާނީ ވިދާޅުވީ ކުންފުނީގެ ހިއްސާދާރުންނަށް ބޯނަސް ހިއްސާ ދޫކުރުމަށް ވެސް ވިސްނަމުންދާ ކަމަށެވެ. މިއީ ކުންފުނީގެ ހިއްސާދާރުންނަށް އިތުރު ފައިދާއެއް ލިބިގެންދާނެ ކަމެކެވެ.

ރިލަޔަންސް އިންޑަސްޓްރީޒްއަކީ އިންޑިއާގެ އެންމެ ބޮޑު އަދި އެންމެ ފައިދާ ބޮޑު ކުންފުނިތަކުގެ ތެރެއިން ކުންފުންޏެކެވެ. މި ކުންފުނިން ޓެލެކޮމް، ރީޓެއިލް، އޮއިލް އަދި ގޭސް އަދި ޑިޖިޓަލް ސަރވިސަސް ފަދަ ދާއިރާތަކުގައި މަސައްކަތް ކުރެއެވެ.