ފަރުވާ ދެމުން ދަނިކޮށް އަތުހަރު މަރުވެއްޖެ
އަންހެނެއްގެ ކަރުގައި ވަޅި ޖައްސައިގެން ބިރު ދެއްކި އާދަމް އަތުހަރު, 32, ފުލުހުންގެ ބެލުމުގެ ދަށުގައި ހުއްޓައި އަމިއްލައަށް މަރުވާން މަސައްކަތް ކޮށްގެން ހޮސްޕިޓަލުގައި ފަރުވާދެމުން ދަނިކޮށް މަރުވެއްޖެ އެވެ.
އަތުހަރު މަރުވިކަން ފުލުހުން ވަނީ ކަށަވަރު ކޮށްދީފަ އެވެ.
މައުލޫމާތު ލިބިފައިވާ ގޮތުގައި އައިޖީއެމްއެޗްގެ އައިސީޔޫގައި ފަރުވާ ދެމުން ދަނިކޮށް އޭނާ މަރުވީ މިއަދު ހަވީރު 4:08 ގަ އެވެ. މަރުވިއިރު އޭނާ އޮތީ ވެންޓިލޭޓަރުގަ އެވެ.
އަންހެނަކު ރަހީނުކޮށްގެން އުޅޭކަމުގެ މައުލޫމާތު ލިބިގެން ފުލުހުން ދިޔުމުން އަތުހަރު ވަނީ އެ އަންހެން މީހާގެ ކަރުގައި ވަޅި ޖައްސައި ފުލުހުންނަށް ފިލަން މަސައްކަތް ކޮށްފަ އެވެ. އަންހެން މީހާ ސަލާމަތްކުރަން އުޅުމުގެ ތެރޭގައި ފުލުހުންގެ ފަރާތުން އަތުހަރަށް އަނިޔާތަކެއް ލިބުނެވެ. އެހެންނަމަވެސް އެ އަނިޔާތަަކަށް އޭޑީކޭގައި ފަރުވާ ދިނުމަށްފަހު ދޫކޮށްލުމުން އަތުހަރު ވަނީ ފުލުހުންގެ ބެލުމުގެ ދަށަށް ގެންގޮސްފަ އެވެ.
އަމިއްލައަށް މަރުވާން އަތުހަރު މަސައްކަތް ކުރީ ރޭގެ ވަގުތެއްގަ އެވެ. ފުލުހުން ބުނީ 23 މިނެޓު ތެރޭގައި ފަރުވާ ދިނުމަށް އޭނާ ހޮސްޕިޓަލަށް ގެންދިޔަ ކަމަށެވެ. މިކަން ފުލުހުން ހާމަ ކުރީ ރޭ 19:42 ގަ އެވެ. އަތުހަރު ވެންޓިލޭޓަރުގައި އޮތްކަން ފުލުހުން ހާމަކުރީ ރޭގެ 21:57 ގަ އެވެ.
މިހާދިސާގެ ތަހުގީގު ފުލުހުން ވަނީ ފަށައިފަ އެވެ. މީގެ އިތުރުން ދަން ޖެހެން އުޅުނު މައްސަލަ އެޗްއާރުސީއެމް އާއި ނެޝަނަލް އިންޓެގްރިޓީ ކޮމިޝަނުންވެސް ދަނީ ތަހުގީގު ކުރަމުންނެވެ.
އަތުހަރުގެ ބޮލުގެ އެފަޅީގަ ސިފައިން އެވަގުތު ޖެހިމަންޒަރު ފެންނަނީ.ދެން އެ ވީޑިއޯގަ މާބޮޑު އަނިޔާތަކެއް ވާނެކަހަލަ މަންޒަރެއް ނުފެނޭ.އެކަމު އޭނަގެ އެންމެ ފަހުގެ ފޮޓޯ ތަކުގަ އެއްލޯ ވަރަށް ބޮޑަށް ދުޅަވެފައި ހުރިތަންފެނޭ އަދި އެއްލޮލުގެ ތިރީކައިރި އަދި ކޮޑުވެސް ނޫފައިގަނެފަ އަދި ބުމަ މަތިވެސް ދުޅަވެފަހުރިތަން ފެންނަން އެބަހުރި.މި އަނިޔާތަކަކީ އޭނަ ފުލުހުންގެ ބެލުމުގެ ދަޝަށްގެންގޮސް ކޮއްފަހުރި އަނިޔާތަކެއްކަމައް ބެލެވެނީ.ބޮޑައްލަފާކުރެވެނީ އާންމުން އެރޭގެ އެކަމަށް ފުލުހުންނަށް ތަރުހީބުދިނުމުން އެކަމުން ހިއްވަރުލިބިގަނެ ލިބުނު ރަނުގެފުރުސަތެއްކަމަށްދެކި ހައްދުފަހަނައަޅާވަރަށް އަނިޔާކޮއްލީ.އެމީހުންނަށް ގަބޫލުކުރެވިފަ އޮއްނާނީ މިމައްސަލައެއް ބަލާ ތަޙްޤީޤްކޮށް ހަދިކަމުގައިވިޔަސް ފުލުހުންނައް ކާމިޔާބުވާނެކަމައް އަދި ރައްޔެތުން މާބޮޑު ސަމާލުކަމެއް ނުދޭނެކމަށް.މީ ރަނގަޅަށް ބަލަންޖެހޭނެކަމެއް ކޮންމެގޮތެއްވިޔަސް އަދި ކޮންމެ ކުޝެއްކުރިކަމުގައިވިޔަސް އެވެސް މަޔަކަޝާ ބަފަޔަކަށް ލިބިފަހުރި ދަރިއެއް އަދި އެދެމަފިރިންވެސް ލޯބިން ބަލާބޮޑުކޮއްފަހުރި ދަރިއެއް ކޮންމެވެސް ބައެއްގެ ބޭބެއެއް ދޮންބެއެއް ކޮއްކޮއެއް އިންސާފުލިބެންޖެހޭނެ.
ޢެއްވެސް ހާލަތެއްގައި މިސޮރު ކުރީ ރަނގަޅުކަމެއްނޫން. އެކަމަކު އާހިރުގަ މިސޮރަށް ވުރެން ފުލުހުން ނުބައި. އަނިޔާކުރި މީހުންނަށް މަރަށް މަރު ! ފުލުސް މީހާގެ އަމަލު ބަލަންޖެހޭ. މައިބަދަ ބިންދައިގެންގޮސް،ފައި ބިންދައިގެންދިޔަ މީހަކު ދަންޖެހޭނެ ގޮތެއްނޯންނާނެ ! ކޮޅަށްނުހުރެ ދަންޖެހޭނީ ކިހިނެތް ؟! ފޮޓޯއިންވެސް ދަންޖެހުނު ކަމުގެ ނިސާނެތް ނެތް. ޖަލުގަ ދަންޖެހެވޭނެ އިންތިޒާމް ހުރުމަކީ ވެސް ބޮޑު މައްސަލަ އެއް! އަނިޔާގެ ސަބަބުން މަރުވީމަ ހަދާ ބޮޑު ދޮގު. ޢާހިރަތުގައި މިކަންކުރި ފުލުހުންނަށް އެކަން ދައްކަވާނެ.