ކޮޓަރިއަކަށް ދާން ދައުވަތު ދީފައި ގެންގޮސް ފޭރުނީ ބައި ލައްކަ ރުފިޔާ!
މީހަކު ރަހީނު ކުރުމަށް ފަހު ފައިސާ ފޭރުނު ކަމުގެ ތުހުމަތުގައި ރޭ ބަންދުގެ މުއްދަތު ޖެހި އަންހެން މީހާ ފޭރުނީ ފިރިހެނަކު ކޮޓަރިއަކަށް ގެންގޮސް ބައި ލައްކައެއްހާ ރުފިޔާ ކަމަށް ދިވެހި ފުލުހުންގެ ހިދުމަތުން ބުނެފި އެވެ.
ކްރިމިނަލް ކޯޓުން 15 ދުވަހުގެ ބަންދު މުއްދަތެއް ޖެހި މީހަކީ، އާއިޝަތު މަލްޖާ މޫސާ ދީދީ، ކުންނާރުގެ، ސ. މަރަދޫ އެވެ. އެއީ 27 އަހަރުގެ އަންހެނެކެވެ. ކޯޓު އަމުރުގައި ހަމައެކަނި އޮތް ތަފްސީލަކީ މީހަކު ރަހީނުކޮށް ފޭރުނު މައްސަލައެއް ކަން ކަމަށެވެ.
ފުލުހުން މިއަދު އިތުރު ތަފްސީލް ދެމުން ބުނީ އެއީ މިދިޔަ އޮގަސްޓް މަހު 26 ވަނަ ދުވަހު ރޭގަނޑު 9:30 ހާއިރު ހިނގި ކަމެކެވެ.
ރަހީނުކުރި ފިރިހެން މީހާއާ ދިމާވީ އައިޖީއެމްއެޗް ކައިރިން ކަމަށް ފުލުހުން ބުންޏެވެ. އޭނާއަށް ރޫމަކަށް ދިއުމަށް ދައުވަތު ދިނުމަށް ފަހު، ގެންދިޔައީ މާފަންނު މުރަނގަ މަގުގައި ހުރި ގެސްޓް ހައުސަކަށް ގެންދިޔަ ކަމަށް ބުންޏެވެ.
ކޮޓަރިއަށް ގެންގޮސް ފިރިހެން މީހާގެ ފޯނާއި ކޭޝް ކާޑު އަތުލުމަށްފަހު ފޭރިގަތީ ޖުމުލަ 53،000 ރުފިޔާ ކަމަށް ފުލުހުން ބުންޏެވެ. އަންހެން މީހާ އެ ކަން ކުރީ އިތުރު ފިރިހެނަކާ ގުޅިގެން ކަމަށް ތުހުމަތު ކުރެވޭ ކަމަށް ފުލުހުން ބުންޏެވެ.
ފުލުހުން ދަނީ މައްސަލަ އިތުރަށް ތަހުގީގު ކުރަމުންނެވެ.
އަންހެނަކު ބުނާއިރައް ކޮޓަރި ކޮޓަރި އަށް ދަންޔާ ވާނެ ތިހެން.
ތާކުން އަންހެނަކު ބުނާއިރަށް ދުވާތި އެވީ ރަނގަޅަށް.
އަންހެނަކު ބުނާއިރައް ކޮޓަރި ކޮޓަރި އަށް ދަންޔާ ވާނެ ތިހެން.
ފާހިސްކަންތައްކުރަން ކޮޓަރިއައްދާތި ތިޔަކަހަލަކަންތައްތއްދިމާވަނީ. ފާހިސްކަންތައް ކުރަނަދާމީހާވެސް ކުއްވެރިވާނަޖެހޭ
ހާދަ ވަރެއްވެފާހުރި ފިރިހެނެކޭދޯ؟ މިއޮއްވަރަށް މިކަހަލަކަންތައް ކުރާޒަމާނެއްގާ ހަމަތާކުން އަންހެނަކު ބުނެލާއިރަށް އެބުނާތާކަށްދާނީ
އަންހެނަކު ބުނާއިރައް ހޭބަލިވެގެން ދާން ޖެހޭ ތޯ؟
ހޭބަލިވެގެންތަ ދަނީ. ރަހީނުކުރުމެއް ނޫން. ހަށިވިއްކުން. ފިރިހެން މީހާގެ ފޮޓޯ ޖަހާލަބަލަ.