އިންޑިއާގައި ސައިބަރ ކުށްވެރިންގެ ޤައުމީ ދަފްތަރެއް އެކުލަވާލަން ނިންމައިފި

ހިންދުސްތާނުގެ ސަރުކާރުން ސައިބަރ ކުށްވެރިންގެ ޤައުމީ ދަފްތަރެއް އެކުލަވާލުމަށް ނިންމައިފިއެވެ. މި ދަފްތަރުގައި ހިމެނޭނީ ސައިބަރ ކުށްތަކުގެ ތުހުމަތުގައިވާ މވާ މީހުންނާއި، އެފަދަ ކުށްތަކަށް ޙުކުމް ކުރެވިފައިވާ މީހުންގެ މަޢުލޫމާތެވެ.

ހިންދުސްތާނުގެ އެތެރޭގެ ކަންކަމާ ބެހޭ މިނިސްޓްރީގެ އިސް އޮފިޝަލެއް ރޮއިޓަރޒްއަށް މަޢުލޫމާތު ދެއްވިގޮތުގައި، މި ދަފްތަރު އެކުލަވާލުމުގެ މަސައްކަތް ކުރިއަށްދަނީ ސައިބަރ ކުށްތައް ހުއްޓުވުމަށާއި، އެފަދަ ކުށްތަކުގެ ތަޙްޤީޤުތައް އަވަސްކުރުމަށެވެ.ވެ. މި ދަފްތަރުގައި ހިމެނޭ މަޢުލޫމާތު ބޭނުންކޮށްގެން ކުށްވެރިންގެ ވަނަވަރު އެކުލަވާލުމާއި، އެމީހުންގެ ޢަމަލުތަކުގެ ނަމޫނާތައް ދެނެގަތުމަށް މަގުފަހިވާނެކަމަށް ބެލެވެއެވެ.

މި ދަފްތަރު އެކުލަވާލުމުގެ މަސައްކަތް ނިމި، 2024 ވަނަ އަހަރުގެ ސެޕްޓެމްބަރު މަހުގެ ތެރޭގައި ބޭނުންކުރަން ފެށޭނެކަމަށް ލަފާކުރެވެއެވެ. މި ދަފްތަރުގައި ހިމެނޭ މަޢުލޫމާތު ބޭނުންކުރެވޭނީ ހަމައެކަނި ޤާނޫނު ތަންފީޛުކުރާ އިދާރާތަކަށެވެ.

ހިންދުސްތާނުގައި އިންޓަރނެޓް ބޭނުންކުރާ މީހުންގެ އަދަދު އިތުރުވަމުން ދިޔުމާއެކު، ސައިބަރ ކުށްތައްވެސް އިތުރުވަމުންދާކަން ފާހަގަކުރެވެއެވެ. މިގޮތުން 2022 ވަނަ އަހަރު 65،000 އަށްވުރެ ގިނަ ސައިބަރ ކުށުގެ މައްސަލަ ރިޕޯޓުކުރެވިފައިވާކަމަށް ސަރުކާރުގެ ތަފާސްހިސާބުތަކުން ދައްކައެވެ.

މި ދަފްތަރު އެކުލަވާލުމަކީ ސައިބަރ ކުށްތަކާ ދެކޮޅަށް ހިންދުސްތާނުގެ ސަރުކާރުން އަޅާ މުހިންމު ފިޔަވަޅެއްގެ ގޮތުގައި ބެލެވެއެވެ. ނަމަވެސް، ޕްރައިވަސީއާ ގުޅުންހުރި ކަންބޮޑުވުންތަކެއް މިކަމާ ގުޅިގެން އުފެދިފައިވާކަން ފާހަގަކުރެވެއެވެ.