އިންޑިއާގެ ކެނެޑާގެ ސަފީރު، ސިކް އެކްޓިވިސްޓެއް މަރާލުމުގައި އިންޑިއާގެ އަތްއޮތްކަން ދޮގުކޮށްފި
ކެނެޑާގައި ހުންނަ އިންޑިއާގެ ސަފީރު ސަންޖޭ ކުމާރ ވަރްމާ ވަނީ ސިކް އެކްޓިވިސްޓެއް ކަމުގައިވާ ހަރްދީޕް ސިންގ ނިއްޖަރް މަރާލުމުގައި އިންޑިއާ ސަރުކާރުގެ އަތްއޮތްކަމުގެ ތުހުމަތުތައް ބާރުގަދަ އިބާރާތުން ދޮގުކޮށްފައެވެ. މިކަން އޭނާ މިހެން ދޮގުކޮށްފައިވަނީ އަލްޖަޒީރާ ނިއުސްއާ ދެއްކި ވާހަކައެއްގައެވެ.
ވަރްމާ ވިދާޅުވި ގޮތުގައި މި މައްސަލައިގައި އިންޑިއާގެ އެއްވެސް ދައުރެއް ނެތެވެ. އަދި މިފަދަ ތުހުމަތުތަކަކީ އެއްވެސް ހަޤީޤަތެއް ނެތް، އަސާސެއް ނެތް ވާހަކަތަކެއް ކަމުގައި އޭނާ ވިދާޅުވިއެވެ. އިންޑިއާއަކީ ޤާނޫނުގެ ވެރިކަން އޮންނަ ޑިމޮކްރެޓިކް ޤައުމެއްކަން އޭނާ ފާހަގަކުރެއްވިއެވެ.
ކެނެޑާނެޑާގެ ބްރިޓިޝް ކޮލަމްބިއާ ސްޓޭޓްގައި މިދިޔަ ޖޫން މަހު ހަރްދީޕް ސިންގ ނިއްޖަރް މަރާލެވުނު ފަހުން، އިންޑިއާ އާއި ކެނެޑާގެ ގުޅުން ވަނީ ގޯސްވެފައެވެ. ކެނެޑާގެ ބޮޑުވަޒީރު ޖަސްޓިން ޓްރޫޑޯ ވަނީ މި މަރުގައި އިންޑިއާ ސަރުކާރުގެ އަތް އޮތް ކަމުގެ "ޤަބޫލުކުރެވޭ ހެކި" ހުރި ކަމަށް ވިދާޅުވެފައެވެ.
މި މައްސަލައާ ގުޅިގެން ދެ ޤައުމުގެ ދެމެދުގައި ޑިޕްލޮމެޓިކް ގުޅުންތައް ވަނީ ދަށްވެފައެވެ. އަދި ދެ ފަރާތުން ވަނީ އެއްބަޔަކު އަނެއްބަޔަކުގެ ޑިޕްލޮމެޓުން ބޭރުކޮށްފައެވެ. ނނަމަވެސް އިންޑިއާގެ ސަފީރު ވަރްމާ ވިދާޅުވި ގޮތުގައި މި މައްސަލަ ޙައްލުކުރުމަށް ދެ ޤައުމުގެ މެދުގައި މަޝްވަރާތައް ކުރިއަށްދާކަމަށެވެ.
