ދުންފަތުގެ ވިޔަފާރިކުރުމަށް ލައިސަންސް ހޯދަން ޖެހޭނީ ގަވައިދު އާންމުކުރުމުން: ހެލްތު މިނިސްޓްރީ
ދުންފަތުގެ ވިޔަފާރިކުރުމަށް ލައިސަންސް ހޯދަން ޖެހޭނީ ގަވައިދު އާންމުކުރުމުން ކަމަށް ހެލްތު މިނިސްޓްރީން ބުނެފި އެވެ.
ދުންފަތް ކޮންޓްރޯޯލްކުރުމުގެ ގާނޫނަށް އެންމެ ފަހުން ގެނައި އިސްލާހުގެ ދަށުން ދުންފަތުގެ ބާވަތްތައް އެތެރެކޮށް އަދި ވިއްކާ ފަރާތްތަކުން ވިޔަފާރިކުރުމުގެ ހުއްދައިގެ އިތުރުން ހެލްތު މިނިސްޓްރީން ދޫކުރާ ލައިސަންސްއެއް އޮންނަން ޖެހޭނެ ކަމަށް ވެސް ބުނެފައިވެ އެވެ.
އަދި ދުންފަތް ކޮންޓްރޯލްކުުރުމުގެ ގާނޫނާއި އެ ގާނޫނުގެ ދަށުން ހަދާ ގަވައިދުތަކާ ހިލާފަށް އެއްވެސް ފަރާތަކުން ދުންފަތް ނުވަތަ ދުންފަތުގެ އެއްވެސް ބާވަތެއް ރާއްޖެ އެެތެރެކޮށް ނުވަތަ ބޭރުކޮށް ނުވަތަ ވިއްކައި އަދި ބަހައިގެން ނުވާނެ ކަމަށް ވެސް ބުނެފައިވެ އެވެ.
ނަމަވެސް ހެލްްތު މިނިސްޓްރީން މިއަދު ކުރި އިއުލާނެއްގައި ބުނީ އެ ހުއްދަތައް ހޯދަން ލާޒިމްވާނީ އެ ހުއްދަތައް ދިނުމުގެ އުސޫލާއި އިޖުރާއަތްތައް ކަނޑައަޅާ ބަޔާންކުރާ ގަވައިދު އާންމުކުރުމުން އެ ގަވައިދުގައި ކަނޑައަޅާ މުއްދަތުގައި ކަމަށެވެ.
އެ ގަވައިދު އާންމުކުރާނީ ކޮން އިރަކުން ކަމެއް ހެލްތު މިނިސްޓްރީން އަދި ހާމައެއް ނުކުރެ އެވެ.
ދުންފަތް ކޮންޓްރޯލްކުރުމަށް ގާނޫނަށް ގެނައި އިސްލާހާއެކު ދުންފަތުގެ ބާވަތްތަކުގެ ނަގާ ޓެކްސް ވަނީ ވަރަށް ބޮޑުކޮށްފަ އެވެ.
އެގޮތުން ކޮންމެ ސިނގިރެޓަކުން މިހާރު 8 ރުފިޔާ ޓެކްސްގެ ގޮތުގައި ނަގަ އެވެ.
Ads by STO
