ލަންކާގައި އުޅޭ ދިވެހިންނަށް އެހީގެ ތަކެތި ފޮނުވޭ ގޮތަށް ހަމަޖައްސައިފި
ސްރީލަންކާގައި އުޅޭ ދިވެހިންނަށް އެހީގެ ތަކެތި ފޮނުވޭނެ އިންތިޒާމު ސަރުކާރުން ހަމަޖައްސައިދީފިއެވެ.
ފޮރިން މިނިސްޓަރު އަބްދުﷲ ޝާހިދު މިއަދު ކުރެއްވި ޓްވީޓެއްގައި ވިދާޅުވީ ލަންކާގައި އުޅޭ ދިވެހިންނަށް، އެމީހުންގެ އާއިލާތަކުން އެހީގެ ތަކެތި ފޮނުވޭނެ އިންތިޒާމު ސަރުކާރުން ހަމަޖައްސައިދީފައިވާ ކަމަށާއި އެގޮތުން މިތަކެތި ލަންކާ އަށް ގެންދިޔުމަށް ހަމަޖެހިފައިވަނީ ސަރުކާރުން ޗާޓަރުކޮށްގެން ލަންކާ އަށް ދަތުރުކުރާ ކާގޯ ފްލައިޓެއްގައި ކަމަށެވެ.
މި ކަންކަމާ ގުޅޭ އިތުރު ތަފްސީލުތައް މާދަމާ ހާމަކުރާނެ ކަމަށާއި، މިކަމުގެ ސަބަބުން ލަންކާގައި އުޅޭ ދިވެހި އާއިލާތަކަށް ކޮންމެވެސް ވަރެއްގެ ހިތްހަމަޖެހުމެއް ލިބިގެންދާނެ ކަމަށް އުއްމީދުކުރައްވާ ކަމަށް ޝާހިދު ވިދާޅުވިއެވެ.
To help Maldivians who are currently in Sri Lanka, government has decided to provide the opportunity for their families to send care packages, via the cargo flight to Colombo, charted by Government. We hope that this could provide some temporary relief to families in Sri Lanka.
— Abdulla Shahid (@abdulla_shahid) March 30, 2020
ކޮވިޑް-19 އާއި ގުޅިގެން ލަންކާގައި ފްލައިޓުތައް ޖެއްސުން މުއްދަތެއް ނެތް ގޮތަށް ފަސްކޮށްފައިވާއިރު، އޭގެ ސަބަބުން ލަންކާގައި އުޅޭ ދިވެހިންނަށް އެނބުރި ގައުމަށް އަންނަން ވަނީ ދަތިތަކެއް ކުރިމަތިވެފައެވެ.
Ads by STO
