ދަރިވަރުންތަކެއް ގްރޫމްކުރި ޓީޗަރު ބަންދުން ދޫކޮށްލައިފި

ސްކޫލު ދަރިވަރުންތަކެއް ގްރޫމްކުރި މައްސަލާގައި ހައްޔަރުކުރި ޓީޗަރު ދޫކޮށްލައިފި އެވެ.

Ads by STELCO

ސައުތު ސެންޓްރަލް ޕޮލިސް (މ, ފ, ދ, ތ, ލ) ގައި ހިމެނޭ ރަށެއްގެ ސްކޫލް ފިރިހެން ދަރިވަރުންގެ އުމުރާ ނުގުޅޭ ވާހަކަ ދައްކާ, ގްރޫމް ކުރި ކަމަށް ތުހުމަތު މައްސަލަ އެއް ފުލުހުން ބަލަން ފެށީ އޮކްޓޫބަރު މަހުގެ 17 ވަނަ ދުވަހު އެވެ.

އެ މައްސަލާގައި ހިމެނޭ ޓީޗަރު ހައްޔަރުކޮށްފައިވަނީ އޮކްޓޫބަރު މަހުގެ 27 ވަނަ ދުވަހު ކަމަށެވެ.

މައްސަލާގައި ފުލުހުންގެ ހައްޔަރުކުރީ 29 އަހަރުގެ ދިވެހި ފިރިހެނެކެވެ. އެ މީހާގެ ބަންދަށް އެންމެ ފުރަތަމަ ޖެހީ 20 ދުވަހެވެ. ދެވަނަ ފަހަރު 30 ދުވަހަށް ބަންދުކުރި އެވެ.

އެ ޓީޗަރު ބަންދުން ދޫކޮށްލައިފައިވަނީ އިއްޔެ އެވެ.

އޭނާ ބަންދުން ދޫކޮށްލަން އަމުރު ނެރެފައިވާއިރު، އޭނާ އަށް ދައުވާކުރަން ޕްރޮސެކިއުޓާ ޖެނެރަލް (ޕީޖީ) އޮފީހަށް ފުލުހުން ހުށަހަޅާފަ އެވެ.