ހިންދުސްތާނުގެ ބޮޑުވަޒީރާއި އެމެރިކާގެ ކުރީގެ ރައީސް ގުޅިގެން ދުނިޔޭގެ އިޤްތިޞާދު ކުރިއެރުވިދާނެ: ސެނެޓަރ މެކޯމިކް
އެމެރިކާގެ ރިޕަބްލިކަން ޕާޓީގެ ސެނެޓަރ ޑޭވިޑް މެކޯމިކް ވިދާޅުވެފައިވަނީ ހިންދުސްތާނުގެ ބޮޑުވަޒީރު ނަރެންދްރަ މޯދީއާއި އެމެރިކާގެ ކުރީގެ ރައީސް ޑޮނަލްޑް ޓްރަމްޕް ގުޅިގެން މަސައްކަތް ކުރައްވައިފިނަމަ، ދުނިޔޭގެ އިޤްތިޞާދު އިތުރަށް ކުރިއެރުވިދާނެ ކަމަށެވެ.
ހިންދުސްތާން ޓައިމްސްއަށް ދެއްވި އިންޓަވިއުއެއްގައި ސެނެޓަރ މެކޯމިކް ވިދާޅުވީ، މި ދެ ލީޑަރުންނަކީ އެމެރިކާއާއި ހިންދުސްތާނުގެ ގުޅުން އިތުރަށް ބަދަހިކޮށް، ދެ ޤައުމުގެ އިޤްތިޞާދީ ކުރިއެރުމަށް މަގުފަހިކޮށްދެއްވާނެ ފަރާތްތަކެއް ކަމަށެވެ. އަދި މި ދެ ލީޑދި މި ދެ ލީޑަރުންގެ ގުޅުމަކީ ދުނިޔޭގެ އިޤްތިޞާދަށް ވަރަށް ބޮޑު ފައިދާއެއް ކުރާނެ ކަމެއް ކަމުގައި ވެސް އޭނާ ފާހަގަކުރެއްވިއެވެ.
"މޯދީއާއި ޓްރަމްޕްއަކީ ވަރަށް ވަރުގަދަ ދެ ލީޑަރުން. މި ދެ ބޭފުޅުންނަށް ގުޅިގެން މަސައްކަތް ކުރެއްވިއްޖެނަމަ، ދުނިޔޭގެ އިޤްތިޞާދު އިތުރަށް ކުރިއަރުވައި، ދެ ޤައުމުގެ ރައްޔިތުންނަށް ފައިދާ ކުރާނެ ގޮތަކަށް ކަންކަން ބައްޓަން ކުރެވިދާނެ،" ސެނެޓަރ މެކޯމިކް ވިދާޅުވިއެވެ.
މީގެ އިތުރުން، އޭނާ ފާހަގަކުރެއްވި ގޮތުގައި ހިންދުސްތާނަކީ އެމެރިކާގެ އެންމެ މުހިންމު އެއް ބައިވެރިޔާއެވެ. އަދި ދެ ޤައުމުގެ ގުޅުން އިތުރަށް ހަރުދަނާ ކުރުމަކީ ވަރަށް މުހިންމު ކަމެއް ކަމުގައި ވެސް އޭނާ ވިދާޅުވިއެވެ.
ސެނެޓަރ މެކޯމިކްގެ މި ބަސްފުޅުތައް އައިސްފައިވަނީ އެމެރިކާގެ ރިޔާސީ އިންތިޚާބު ކައިރިވަމުން އަންނަ ދަނޑިވަޅެއްގައެވެ. އަދި މި އިންތިޚާބުގައި ޑޮނަލްޑް ޓްރަމްޕް ވާދަކުރައްވާނެ ކަމަށް ބެލެވެމަށް ބެލެވެއެވެ.
Ads by STO
