ޗައިނާގެ ސްޕީޑްބޯޓް އިންޓްރޫޑަރަކަށް ޓައިވާން ކޯޓުން 8 މަސްދުވަހުގެ ޖަލު ޙުކުމް ދަމަހައްޓައިފި
ޓައިވާންގެ ސުޕްރީމް ކޯޓުން އިއްޔެ ނިންމި ނިންމުމެއްގައި، ޗައިނާގެ ސްޕީޑްބޯޓެއްގައި ޤާނޫނާ ޚިލާފަށް ޓައިވާންގެ ސަރަޙައްދަށް ވަން މީހަކަށް ކުރިން ކަނޑައެޅި 8 މަސްދުވަހުގެ ޖަލު ޙުކުމް ދަމަހައްޓައިފިއެވެ.
މި މައްސަލައިގައި ސުޕްރީމް ކޯޓުން ނިންމި ނިންމުމަކީ އިސްތިއުނާފު ކުރެވެން ނެތް ފައިނަލް ނިންމުމެކެވެ. މި މައްސަލައިގެ ދަޢުވާލިބޭ ފަރާތަކީ 33 އަހަރުގެ ޗައިނާގެ ރައްޔިތެއް ކަމަށްވާ ލީ ޗިއާންޗެންގ އެވެ.
ކޯޓުގެ ލިޔެކިޔުންތަކުން ދައްކާގޮތުގައި، ލީ ވަނީ 2022 ވަނަ އަހަރުގެ ޑިސެމްބަރު މަހު ޓައިވާންގެ ކިންމެން ޖަޒީރާގެ ހުޅަނގު އުތުރުގައިވާ ވޫޗިއޫ ޖަޒީރާއަށް ސްޕީޑްބޯޓެއްގައި އައިސްފައެވެ. އޭނާ ހައްޔަރުކުރެވުނީ ޓައިވާންގެ ކޯސްޓްގާޑުންނަށެވެ.
ޓައިވާންގެ ޤާނޫނުގެ ދަށުން، ހުއްދަނެތި ޓައިވާންގެ ސަރަޙައްދަށް ވަނުމަކީ ކުށެކެވެ. އަދި މިފަދަ ކުށްތަކަށް 3 އަހަރާ ހަމައަށް ޖަލު ޙުކުމް ކުރެވިދާނެއެވެ.
މި މައްސަލައިގައި ލީގެ މައްޗަށް ތުހުމަތު ކުރުހުމަތު ކުރެވުނީ ޖާސޫސީ ކުރުމުގެ މަޤްޞަދުގައި ޓައިވާންގެ ސަރަޙައްދަށް ވަނުމުގެ ކުށުގެ އިތުރުން، ޤާނޫނާ ޚިލާފަށް ސަރަޙައްދަށް ވަނުމުގެ ކުށެވެ. ނަމަވެސް ޖާސޫސީ ކުރުމުގެ ތުހުމަތު ސާބިތު ނުވާތީ، އެ ދަޢުވާ ވަނީ ދޫކޮށްލާފައެވެ.
މި މައްސަލައަކީ ޗައިނާ އާއި ޓައިވާންގެ ދެމެދުގައި އޮންނަ ސިޔާސީ ގުޅުމަށް އިތުރު ބުރޫއަރާފާނެ ކަމެއްގެ ގޮތުގައި ބެލެވެއެވެ. ޗައިނާއިން ޓައިވާނަކީ އެ ޤައުމުގެ ބައެއްކަމަށް ދަޢުވާކުރާއިރު، ޓައިވާނުން ބުނަނީ އެއީ މިނިވަން ޤައުމެއް ކަމަށެވެ.
