ރީތި ރަށުގެ ވޯޓާ ވިލާއެއްގައި އަލިފާނުގެ ހާދިސާއެއް
މާލެ އަތޮޅުގައި ހިންގާ ވަން އެންޑް އޮންލީ ރީތިރަށް ރިސޯޓުގެ ވޯޓާވިލާއެއްގައި އަލިފާނުގެ ހާދިސާއެއް ހިނގުމާ ގުޅިގެން މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) ގެ ފަޔަ އެންޑް ރެސްކިޔު ސާވިސްއިން ހަރަކާތްތެރިވެއްޖެ އެވެ.
ރޭ ދަންވަރު ހިނގި އެ ހާދިސާގައި އަލިފާން ރޯވީ އެ ރިސޯޓުގެ ވޯޓާވިލާއެއްގެ ފުރާޅުގަ އެވެ.
އެމްއެންޑީއެފުން ބުނީ އަލިފާނުގެ ހާދިސާގެ މައުލޫމާތު ލިބުމުން އެފްއާރުއެސްގެ ސިފައިން ވަނީ އެ ރިސޯޓަށް ގޮސް ހަރަކާތްތެރިވެފައި ކަމަށެވެ. ހާދިސާ ހިނގުމުން ރިސޯޓުގެ މުވައްޒަފުން ވަނީ އަލިފާން ކޮންޓްރޯލްކޮށް ނިއްވާލާފައި ކަމަށެވެ.
އެ ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށް އެމްއެންޑީއެފުން ބުންޏެވެ. ނަމަވެސް ވޯޓާވިލާގެ ފުރާޅަށާއި ސީލިންއަށް އެކިވަރުގެ ގެއްލުންތައް ލިބިފައިވާ ކަމަށެވެ.
ރީތި ރަށުގައި ވޯޓާ ވިލާގެ 32 ރޫމެއް ހުރެ އެވެ.
Ads by STO
