މިއަދު 446 އުޅަނދު ނައްތާލައިފި
ފުލުހުން ޓޯކޮށްފައިވާ އެއްގަމު އުޅަނދުތަކުގެ ތެރެއިން ވެރިފަރާތުން ނުގެންގޮސް ހުރި 446 އުޅަނދު ގަވާއިދުގައިވާ ގޮތުގެ މަތިން މިއަދު ވަނީ ނައްތާލައިފި އެވެ.
ފުލުހުން ބުނި ގޮތުގައި މިއަދު ނައްތާލި އުޅަނދުތަކުގެ ތެރޭގައި ހިމެނެނީ ދެ ފުރޮޅުލީ 378 އުޅަނދާއި ހަތަރު ފުރޮޅުލީ 40 އުޅަނދު އަދި 28 ބައިސްކަލް އެވެ.
ހުސްވި 2024 ވަނަ އަހަރު ފުލުހުން ވަނީ 73،953 އުޅަނދު ޗެކްކޮށް، 15،514 އުޅަނދު ޓޯކޮށްފަ އެވެ.
މާލޭގެ މަގުމައްޗަށް ގިނަވެފައި ހުރި އުޅަނދުތަކުގެ ތެރެއިން، ވަރަށް ގިނަ ދުވަހު މަގުމަތީގެ ވަކި ތަނެއްގައި ބަހައްޓާފައި ހުންނަ އުޅަނދުތައް ގިނަ ކަމުގެ ޝަކުވާ އަބަދުވެސް އޮވެ އެވެ.
އެފަދަ އުޅަނދުތައް ހޯދައި ޓޯކޮށް ވެރިފަރާތަށް ނޯޓިސް ދިނުމުގެ ބޮޑު އޮޕަރޭޝަނެއް ވެސް މިދިޔަ އަހަރު މާލެ ސިޓީ ކައުންސިލާއި ފުލުހުންނާއި ޓްރާންސްޕޯޓް މިނިސްޓްރީއާ ގުޅިގެން ފެށި އެވެ.
