އެމްބިއުލާންސާއި ސައިކަލެއް ޖެހި، ސައިކަލުގައި އިން މީހާ އަނިޔާވެއްޖެ
އެމަޖެންސީގައި ދިޔަ އެމްބިއުލާންސަކާއި ސައިކަލެއް މިރޭ ޖެހި ސައިކަލު ދުއްވަން އިން މީހާއަށް އަނިޔާވެއްޖެ އެވެ.
Ads by Hajj Corporation
ފުލުހުން ބުނި ގޮތުގައި އެ އެކްސިޑެންޓް ހިނގީ މާލޭގެ އަމީނީ މަގު، ކުރިން ހައުސިން މިނިސްޓްރީ ހުރި އިމާރާތް ކައިރިންނެވެ. އެކްސިޑެންޓްގެ ރިޕޯޓް ފުލުހަށް ލިބުނީ މިރޭ 7:30 ހާއިރެވެ.
ސައިކަލު ދުއްވަން އިން މީހާ އަނިޔާވީ ނިއްކުރިމައްޗަށެވެ. އޭނާގެ ނިއްކުރިމަތި ވަރަށް ބޮޑަށް ދުޅަވި ކަމަށް ފުލުހުން ބުންޏެވެ. އޭނާ ފަރުވާ ދިނުމަށް އައިޖީއެމްއެޗަށް ގެންގޮސްފަ އެވެ.
ފުލުހުން ދަނީ މައްސަލަ އިތުރަށް ބަލަމުންނެވެ.
Ads by STO
