ދުނިޔެ

ބަލޫޗް ޒުވާނަކު ބަންދުގައި މަރާލި ސީޓީޑީ އޮފިސަރަކަށް ޕްރޮމޯޝަން ދީފި

ޖަޒްލާ މުޙައްމަދު ، ދެން އޮންލައިން

ޕާކިސްތާނުގެ ބަލޫޗިސްތާން ސޫބާގައި ބަލޫޗް ޒުވާނަކު ބަންދުގައި މަރާލުމުގެ ކުށުން ކުރިން ކުށްވެރިވެފައިވާ ކައުންޓާ ޓެރަރިޒަމް ޑިޕާޓްމަންޓް (ސީޓީޑީ) ގެ އޮފިސަރަކަށް ޕްރޮމޯޝަން ދީފައިވާކަމަށް ރިޕޯޓުތަކުން ބުނެފި އެވެ.

Ads by MPL

ރިޕޯޓުގައި ބުނީ މި އޮފިސަރު، ޕާކިސްތާނުގެ ސަރުކާރުގެ 18 ވަނަ ގްރޭޑަށް ކުރިއަރުވާފައިވާ ކަމަށެވެ.

މިކަމާ ގުޅިގެން ބަލޫޗް އެކްޓިވިސްޓުންނާއި އިންސާނީ ހައްގުތަކަށް މަސައްކަތްކުރާ ފަރާތްތަކުން ކަންބޮޑުވުން ފާޅުކޮށްފައިވެ އެވެ.

ބަލޫޗިސްތާނުގައި އިންސާނީ ހައްގުތަކަށް މަސައްކަތްކުރާ ޖަމިއްޔާއެއްގެ ވާހަކަދެއްކި ފަރާތަކުން ބުނީ މިއީ ބަލޫޗް ރައްޔިތުންގެ ހައްގުތަކަށް ސީދާ ގޮންޖެހުމެއް ކަމަށެވެ. އަދި ކުށްވެރިވެފައިވާ މީހަކަށް މިފަދަ ޕްރޮމޯޝަނެއް ދިނުމަކީ އަނިޔާވެރިކަމަށް ހިތްވަރުދިނުން ކަމަށްވެސް އ ފަރާތުން ބުންޏެވެ.

މި ހާދިސާއާ ގުޅިގެން ޕާކިސްތާނުގެ އިންސާނީ ހައްގުތަކާބެހޭ ކޮމިޝަނުން ތަހްގީގްއެއް ފަށާފައިވާކަމަށް ބުނެވެ އެވެ. އަދި މި މައްސަލަ ބެލުމަށް ސަރުކާރުގެ މަތީ ފަންތީގެ ބައްދަލުވުމެއް ބޭއްވުމަށް ހަމަޖެހިފައިވާ ކަމަށްވެސް މައުލޫމާތު ލިބިފައިވެ އެވެ.

ބަލޫޗިސްތާނުގައި ސަލާމަތީ ބާރުތަކުން ހިންގާ އަނިޔާވެރި އަމަލުތަކާއި ބަންދުގައި މީހުން މަރާލުމުގެ މައްސަލަތައް އިތުރުވަމުންދާކަމަށް ބައިނަލްއަގްވާމީ އިންސާނީ ހައްގުތަކުގެ ޖަމިއްޔާތަކުން ފާހަގަކޮށްފައިވެ އެވެ. މި ޕްރޮމޯޝަނަކީ މިފަދަ އަމަލުތަކަށް އިތުރު ބާރެއް ލިބިގެންދާނެ ކަމެއްކަމަށް ފާޑުކިޔާ ފަރާތްތަކުން ބުނެއެވެ.

Ads by Allied Insurance

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!