ޑްރަގު އެތެރެކުރި ޗައިނާ މީހަކު ހައްޔަރުކޮށްފި

ވައިގެ މަގުން ރާއްޖެއަށް މަސްތުވާތަކެތި އެތެެރެކުރި މައްސަލާގައި ޗައިނާގެ މީހަކު ހައްޔަރުކޮށްފި އެވެ.

Ads by STELCO

ފުލުހުން ބުނީ، ހޯމަ ދުވަހު ރާއްޖެއަށް މަސްތުވާތަކެތި އެތެރެކުރި މައްސަލާގައި ހައްޔަރުކޮށްފައިވަނީ ޒޮންގް ޗެންގްވެއި (33އ) އެވެ.

ކްރިމިނަލް ކޯޓުގެ އަމުރުގައި ބުނީ، އޭނާ ރާއްޖެއިން ބޭރަށް ގެނައި ފޮށިގަނޑެއްގެ ތެރެއިން ގިނަ އަދަދެއްގެ މަސްތުވާތަކެތި ހުރިކަމަށް ވަގުތީ ނަތިއްޖާއިން ދައްކާފައިވާ ކަމަށެވެ.

އެކަމަކު ފެނުނީ ކިހާ އަދަދެއްގެ މަސްތުވާތަކެއްޗެއް ކަމެއް އެނގޭކަށް ނެތެވެ.

ބަންދުން ދޫކޮށްލައިފިނަމަ މުޖުތަމައުގެ ސަލާމަތަށް ނުރައްކާ އޮވެދާނެތީ އޭނާގެ ބަންދަށް ކޯޓުން ވަނީ 15 ދުވަސް ޖަހާފަ އެވެ.