ޓްރިވެންޑްރަމް އަދި މެލޭޝިއާގައި ތިބި ދިވެހިން ގެންނަން ފްލައިޓެއް ބާއްވަނީ
އިންޑިއާގެ ޓްރިވެންޑްރަމް އަދި މެލޭޝިއާގެ ވެރިރަށް ކުއާލަލަމްޕޫރުގައި ތިބި ދިވެހިން ގެންނަން ވެސް މޯލްޑިވިއަން އިން ފްލައިޓެއް ބޭއްވުމަށް ނިންމާފައިވާ ކަމަށް ސަރުކާރުން ބުނެފިއެވެ.
ފޮރިން މިނިސްޓަރު އަބްދުﷲ ޝާހިދު މިރޭ ވިދާޅުވީ މި ދެ ސިޓީއަށް ދަތުރުކުރާނެ ކަމުގެ ޔަގީންކަން މޯލްޑިވިއަން އިން ދީފައިވާ ކަމަށާއި އެކަމާ ގުޅޭ ތަފްސީލުތައް ވަރަށް އަވަހަށް ހާމަކުރާނެ ކަމަށް އެ އެއާލައިނުން ބުނެފައިވާ ކަމަށެވެ.
މޯލްޑިވިއަން އިން ވަނީ މާދަމާ ކޮލަމްބޯގައި ތިބި ދިވެހިން ގެންނަން ދެ ފްލައިޓު ބޭއްވުމަށް ނިންމާފައެވެ. އަދި އަންނަ ހޯމަ ދުވަހު އިންޑިއާގެ ކޮޗިންގައި ތިބި ދިވެހިން ގެނައުމަށް ފްލައިޓެއް ބޭއްވުމަށް ވެސް ވަނީ ނިންމާފައެވެ.
I'm glad that @MaldivianAero assures that it will also operate flights from Trivandrum and Kuala Lumpur and will announce details soon, so that Maldivians remaining in these cities will have the opportunity to return home as well. @MoFAmv will continue to coordinate & facilitate.
— Abdulla Shahid (@abdulla_shahid) April 4, 2020
