ޕާކިސްތާނުގެ ކުއެޓާގައި އަފްޣާން ރެފިއުޖީން އަނބުރާ ފޮނުވާލުމާ ދެކޮޅަށް މުޒާހަރާއެއް ބޭއްވިއްޖެ
ޕާކިސްތާނުގެ ބަލޫޗިސްތާން ސޫބާގެ ވެރިރަށް ކުއެޓާގައި އަފްޣާން ރެފިއުޖީން އަނބުރާ ފޮނުވާލުމާ ދެކޮޅަށް ޕަޝްތޫންޚްވާ މިލީ އަވާމީ ޕާޓީ (ޕީކޭއެމްއޭޕީ) އިން މުޒާހަރާއެއް ބާއްވައިފިއެވެ. މި މުޒާހަރާ ބޭއްވުނީ އިއްޔެ ހޮނިހިރު ދުވަހުއެވެ.
މުޒާހަރާގައި ބައިވެރިވި ސަތޭކަ އަކަށް މީހުން ޕާކިސްތާނުގެ ސަރުކާރުން އަފްޣާން ރެފިއުޖީން އަނބުރާ ފޮނުވާލަން ނިންމި ނިންމުމާ ދެކޮޅަށް އަޑުއުފުލިއެވެ. މުޒާހަރާކުރި ފަރާތްތަކުން ބުނި ގޮތުގައި މިއީ އިންސާނިއްޔަތާ ޚިލާފު ކަމެކެވެ.
ޕީކޭއެމްއޭޕީގެ އިސް ލީޑަރުންގެ ތެރެއިން މަހްމޫދް ޚާން އަޗަކްޒައި ވިދާޅުވި ގޮތުގައި އަފްޣާން ރެފިއުޖީންނަކީ ޕާކިސްތާނުގެ އަޚުންނާއި އުޚުތުންނެވެ. އަދި އެމީހުންނަށް އިޙްތިރާމާއެކު މުޢާމަލާތްކުރަންވާނެ ކަމަށް އޭނާ ގޮވާލެއްވިއެވެ.
މުޒާހަރާގައި ބައިވެރިވި ފަރާތްތަކުން ޕާކިސްތާނު ސަރުކާރަށް ގޮވާލީ އަފްޣާން ރެފިއުޖީން އަނބުރާ ފޮނުވާލުމުގެ ނިންމުން އަނބުރާ ގެންދިއުމަށެވެ. އަދި އެމީހުންނަށް ޕާކިސްތާނުގައި ދިރިއުޅުމުގެ ޙައްޤު ދިނުމަށެވެ.
ޕާކިސްތާނު ސަރުކާރުން ނިންމާފައިވަނީ ޤާނޫނީ ހައިސިއްޔަތު ނެތް ބިދޭސީން، ޚާއްޞަކޮށް އަފްޣާން ރެފިއުޖީން، ނޮވެމްބަރު 1 ވަނަ ދުވަހުގެ ކުރިން އަނބުރާ ފޮނުވާލުމަށެވެ. މި ނިންމުމާ ގުޅިގެން ގިނަ ފާޑުކިޔުންތަކެއް ވަނީ އަމާޒުވެފައެވެ.
Ads by STO
