އިންޑަސް ވޯޓަރ ޓްރީޓީ ހުއްޓާލުމާއެކު ޕާކިސްތާނަށް އަސަރުކޮށްފި
އިންޑަސް ވޯޓަރ ޓްރީޓީ (އައި.ޑަބްލިއު.ޓީ) ހުއްޓާލުމުގެ ފުރަތަމަ ނިޝާންތައް މިހާރު ފެންނަން ފަށައިފިއެވެ. އިންޑިއާއިން ބޯޑަރު ހުރަސްކޮށް ހިންގާ ޓެރަރިޒަމަށް ޕާކިސްތާނުން ދޭ އެހީތެރިކަމަށް ދޭ އަދަބެއްގެ ގޮތުން އައި.ޑަބްލިއު.ޓީ ހުއްޓާލުމާ ގުޅިގެން ޗެނާބް ކޯރުގެ ފެންވަރު ދަށްވެއްޖެއެވެ. މޫސުމަށް އަންނަ ބަދަލުތަކާއި، ވާރޭ މަދުވުމާއި، ބިމުގެ އަޑިން ފެން ނެގުން އިތުރުވުމުގެ ސަބަބުން ޕާކިސްތާނުގައި މިހާރުވެސް ވަނީ ބޮޑު ފެނުގެ ހާލަތެއް ކުރިމަތިވެފައެވެ. އަދި އިންޑިއާއިން އައި.ޑަބްލިއު.ޓީ ހުއްޓާލުމާ ގުޅިގެން މި ހާލަތު އިތުރަށް ގޯސްވާނެއެވެ.
ރިޕޯޓުތަކުން ދައްކާ ގޮތުގައި އިންޑިއާއާއި ޕާކިސްތާނުން ފެން ދައުރުވާ މިންވަރު ދަށްވެފައިވެއެވެ. ސޯޝަލް މީޑިއާގައި ޕާކިސްތާނުގެ ސިޔާލްކޯޓުގެ މީހަކު ހިއްސާކޮށްފައިވާ ވީޑިއޯއެއްއެއްގައި ފެންވަރު 3 ފޫޓު ދަށްވެފައިވާ ކަމަށް އޭނާ ބުނެފައިވެއެވެ. އައި.ޑަބްލިއު.ޓީ ހުއްޓާލުމަށްފަހު ވަރަށް އަވަހަށް ފެންވަރު ދަށްވެފައިވާތީ އިންޑިއާއިން ދީފައިވާ އިންޒާރުތަކާ އެއްގޮތަށް ޢަމަލުކޮށްފައިވާ ކަމަށް އޭނާ ބުނެފައިވެއެވެ.
އޭޕްރިލް 21 އާއި އޭޕްރިލް 26 ގައި ނަގާފައިވާ ޕަންޖާބުގެ ސިޔާލްކޯޓުގެ މަރާލާ ހެޑްވަރކްސްގެ ސެޓެލައިޓް މަންޒަރުތަކުން ދައްކާ ގޮތުގައި ޗެނާބް ކޯރުގައި ގަލާއި ވެލި އިތުރުވެފައިވެއެވެ. "ސެޓެލައިޓް މަންޒަރުތަކުން އަޅާކިޔާއިރު ފެން ދައުރުވާ މިންވަރު ދަށްވެފައިވާކަން ފާހަގަކުރެވެއެވެ. ހެޑްވަރކްސްއިން ފެށިގެން އަންނަ ފެން ދައުރުވާ ޗެނަލްތަކުގެ ސައިޒު ކުޑަވެފައިވާ އިރު އެއް ޗެނަލް މުޅިން ހިކިފައިވެއެވެ،" މިހެން ބުނެފައިވަނީ މަންޒަރު މާނަކުރުމުގެ ތަޖުރިބާކާރެއް ކަމަށްވާ ރިޓަޔަރޑް ކާނަލް ވިނަޔަކް ބަޓެވެ. "މިއިން ދައްކުވައިދެނީ އައި.ޑަބްލިއު.ޓީ ހުއްޓާލުމަށްފަހު އިންޑިއާގައި ފެން ރައްކާކުރަމުންދާކަމެވެ."
އައި.ޑަބްލިއު.ޓީ ހުއްޓާލުމާ ގުޅިގެން މީހުންގެ މެދުގައި ބޮޑު ހަލަބޮލިކަމެއް އުފެދިފައިވެއެވެ. އެއީ ޕާކިސްތާނު މުޅިން ބަރޯސާވަނީ އިންޑިއާ ހުރަސްކޮށް އަންނަ އިންޑަސް، ޖެލަމް، ޗެނާބް، ރާވީ، ބިއާސް އަދި ސަޓްލެޖް ކޯރުތަކުގެ ފެނަށް ކަމަށްވާތީއެވެ. ޕާކިސްތާނުގެ ދަނޑުވެރިން ކަންބޮޑުވެފައިވެއެވެ. ސިންދުގެ ދަނޑުވެރިއެއް ކަމަށްވާ ނަދީމް ޝާހް ބުނެ ބުނެފައިވަނީ "އަޅުގަނޑުމެން الله އަށް ވަކީލުކުރަމެވެ. އެކަމަކު އިންޑިއާގެ އަމަލުތަކާ މެދު ކަންބޮޑުވުންތަކެއް އެބަހުއްޓެވެ." އަނެއް ދަނޑުވެރިއެއް ކަމަށްވާ ހޮމްލާ ތަކުރު ބުނެފައިވަނީ އިންޑިއާއިން ފެން ހުއްޓާލައިފިނަމަ މުޅި ޕާކިސްތާނު ދަނޑަކަށް ވެގެންދާނެ ކަމަށެވެ. "އަޅުގަނޑުމެން ބަނޑަށް މަރުވާނެ،" އޭނާ ބުނެފައިވެއެވެ.
ނިއު ދިއްލީއިން އޭޕްރިލް 22 ވަނަ ދުވަހު ޖައްމޫ އަދި ކަޝްމީރުގެ ޕަހަލްގާމްގައި ހިނގި މަރުވެރި ޓެރަރިސްޓް ޙަމަލާއަށް ޕާކިސްތާނަށް ބަދުނާމުކޮށް، ޕާކިސްތާނުން ބޯޑަރު ހުރަސްކޮށް ހިންގާ ޓެރަރިޒަމް ހުއްޓާލަންދެން މުޢާހަދާ ހިފަހައްޓާނެ ކަމަށް ބުނެފައިވެއެވެ. ޕާކިސްތާނުގައި އޮންނަ ލަޝްކަރެ ތައިބާ (އެލް.އީ.ޓީ) އާ ގުޅުންހުރި ދަ ރެޒިސްޓަންސް ފްރަންޓް (ޓީ.އާރް.އެފް) އިން ވަނީ ޕަހަލްގާމްގައި ހިނގި ޙަމަލާގެ ޒިންމާ ނަގާފައެވެ. މި ޙަމަލާގައި 26 ފަތުރުވެރިން މަރާލާފައިވެއެވެ.
ޕާކިސްތާނަށް އައި.ޑަބްލިއު.ޓީ ހުއްޓާލުމުގެ ނަތީޖާ ވަރަށް ބޮޑުވެގެން ދާނެއެވެ. އެއީ އިރިގޭޝަން ރިދަމާއި ދަނޑުވެރިކަމުގެ ދައުރުތަކަށް ބުރޫއަރައި، ސޫބާތަކުގެ މެދުގައި ހުރި ގުޅުންތަކަށް އަސަރުކޮށް، ކަނޑުގެ އަރިމަތީގައި ދިރިއުޅޭ މީހުންގެ ދިރިއުޅުމަށް ގެއްލުންދީ، އަދި ހައިޑްރޯ ޕަވަރ އުފެއްދުން މަދުވެގެންދާނެތީއެވެ. މިހެން ބުނެފައިވަނީ ޓަފްޓްސް ޔުނިވަރސިޓީގެ އެސިސްޓެންޓް ޕްރޮފެސަރ ހަސާން އެފް ޚާނެވެ. "އިންޑަސް ޑެލްޓާ މިހާރުވެސް ވަނީ މީރުފެން ދައުރުވާ މިންވަރު ދަށްވުމުގެ ސެ ސަބަބުން ކުޑަވަމުންނެވެ. މަތީ ސަރަޙައްދުތަކުން އަންނަ ފެނުގެ މިންވަރާ މެދު އިތުރު ޔަޤީންކަން ނެތުމުގެ ސަބަބުން އެ ޑެލްޓާ އިތުރަށް ހަލާކުވެގެން ދާނެއެވެ. މަތީ ސަރަޙައްދުތަކުން އަންނަ ފެނުގެ މިންވަރު ދަށްވެއްޖެނަމަ ނުވަތަ ރަނގަޅު ވަގުތުތަކުގައި ފެން ނުލިބިއްޖެނަމަ ކަރަންޓު އުފެއްދުމުގެ ޤާބިލުކަން ދަށްވެގެންދާނެއެވެ. މިއިން އެއްވެސް ކަމަކީ ލަފާކުރެވޭ ކަމެއް ނޫނެވެ. ޕާކިސްތާނަކީ މިހާރުވެސް ފެން މަދު ޤައުމެކެވެ،" އޭނާ ބުނެފައިވެއެވެ.
