އިންޑިއާއިން 2029 ވަނަ އަހަރާ ހަމައަށް ދިފާއީ އުފެއްދުންތެރިކަން އަދި އެކްސްޕޯޓް އިތުރުކުރުމަށް ރާވައިފި
އިންޑިއާގެ ދިފާއީ އުފެއްދުންތެރިކަން އަދި އެކްސްޕޯޓް އިތުރުކުރުމަށް ސަރުކާރުން ބޮޑު ޕްލޭނެއް ހާމަކޮށްފިއެވެ. މި ޕްލޭނުގެ ދަށުން 2029 ވަނަ އަހަރާ ހަމައަށް ދިފާއީ އުފެއްދުންތެރިކަން 3 ލައްކަ ކްރްރޯރު ރުޕީސްއަށް އަދި ދިފާއީ އެކްސްޕޯޓް 50,000 ކްރޯރު ރުޕީސްއަށް އިތުރުކުރުމަށް ވަނީ އަމާޒު ހިފާފައެވެ.
އިންޑިއާގެ ދިފާއީ މިނިސްޓަރު ރާޖްނާތު ސިންގު ވިދާޅުވި ގޮތުގައި މި ލަނޑުދަނޑިތައް ހާސިލުކުރުމަށްޓަކައި ސަރުކާރުން ގިނަ ފިޔަވަޅުތަކެއް އަޅަމުންދެއެވެ. މީގެ ތެރޭގައި ދިފާއީ ދާއިރާގައި އަމިއްލަ ފަރާތްތަކުގެ ބައިވެރިވުން އިތުރުކުރުމާއި، ރާއްޖެއިން ބޭރުގެ އިންވެސްޓްމަންޓްތައް ހޯދުން، އަދި ޓެކްނޮލޮޖީ ޓްރާންސްފަރ ކުރުމަށް ބޭރު ޤައުމުތަކާއެކު އެއްބަސްވުންތަކުގައި ސޮއިކުރުން ހިމެނެއެވެ.
އިންޑިއާގެ ޕްރައިމް މިނިސްޓަރު ނަރެންދްރަ މޯދީ ވިދާޅުވި ގޮތުގައި މި މަސައްކަތުން އިންޑިއާގެ އިޤްތިޞާދަށް ބޮޑު ކުރިއެރުމެއް ލިބި، ވަޒީފާގެ ފުރުޞަތުތައް އިތުރުވެގެންދާނެއެވެ. އަދި މީގެ ސަބަބުން އިންޑިއާއަށް ދިފާއީ ދާއިރާގައި އަމިއްލަ ފުދުންތެރިކަން ހޯދުމަށް މަގުފަހިވެގެންދާނެ ކަމަށްވެސް އެމަނިކުފާނު ވިދާޅުވިއެވެ.
މި ޕްލޭނުގެ ދަށުން އިންޑިއާއިން ދިފާއީ އުފެއްދުންތަކުގެ ތެރޭގައި ހިމެނޭ ހަތިޔާރު، ވައިގެ ދަތުރުފަތުރުގެ ވަސީލަތްތައް، ކަނޑުގެ އުޅަނދުފަހަރު އަދި އިލެކްޓްރޯނިކް ސާމާނު ފަދަ ތަކެތި އުފެއްދުމަށް ޚާއްޞަ ސަމާލުކަމެއް ދޭނެއެވެ. އަދި މި އުފެއްދުންތައް ދުނިޔޭގެ އެހެން ޤައުމުތަކަށް އެކްސްޕޯޓް ކުރުމަށްވެސް ރޭވިފައިވެއެވެ.
އިންޑިއާގެ ދިފާއީ އުފެއްދުންތެރިކަމާއި އެކްސްޕޯޓް އިތުރުކުރުމުގެ މި މަސައްކަތުން، އެ ޤައުމުގެ އިޤްތިޞާދީ އަދި ސަލާމަތީ ޤާބިލުކަން އިތުރުވެ، ބައިނަލްއަޤްވާމީ ފެންވަރުގައި އިންޑިއާގެ ނުފޫޒު އިތުރުވެގެންދާނެ ކަމަށް ސަރުކާރުން އުންމީދުކުރެއެވެ.
Ads by STO
