މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި ރާއްޖޭގައި ދިރިއުޅޭ ބިދޭސީ އަންހެނަކު ހައްޔަރުކޮށްފި
މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި ރާއްޖޭގައި ދިރިއުޅޭ ބިދޭސީ އަންހެނަކު ހައްޔަރުކޮށްފި އެވެ.
ކްރިމިނަލް ކޯޓުން މިއަދު ނެރުނު ބަންދު އަމުރުގައިވާ ގޮތުން އެ މައްސަލައިގައި ހައްޔަރުކުރީ ނޭޕާލްއަށް ނިސްބަތްވާ ނިޝާ ރާއީ، 21އ. އެވެ.
އޭނާގެ މައްޗަށް ކުރަނީ މަސްތުވާތަކެތި ގެންގުޅުމާއި އެތަކެތީގެ ވިޔަފާރިކުރުމުގެ ތުހުމަތެވެ.
ބަންދު އަމުރުގައިވާ ގޮތުން އޭނާއަކީ ގަވައިދާ ހިލާފަށް ރާއްޖޭގައި އުޅެމުންދާ ވެސް އަންހެނެކެވެ.
ނިޝާއަށް އިނގިރޭސި ބަސް ފަހުމުނުވާތީއާއި އަދި ތަރުޖަމާނެއް ނެތުމުންކަމަށް ބުނެ ކޯޓުން އޭނާއަށް ބަންދަށް ޖަހައިދިނީވެސް އެންމެ ދުވަހެކެވެ.
އަދި ދެން ބަންދާ މެދު ގޮތެއް ނިންމަން އޮންނަ ކޯޓަށް ހާޒިރުކުރާ ފަހަރު ތަރުޖަމާނާއެކު ތުހުމަތު ކުރެވޭ ފަރާތް ހާޒިރުކުރުމަށް އިންވެސްޓިގޭޝަން އޮފިސަރަށް އަންގާފައިވާ ކަމަށް ވެސް ބަންދު އަމުރުގައި ބުނެފައިވެ އެވެ.
