344 ދަރިވަރަކު ނެޝެނަލް ސާވިސް ފުރިހަމަކޮށްފި
344 ދަރިވަރަކު ދިވެހި ވަތަނީ ހިދުމަތް ނުވަތަ ނެޝެނަލް ސާވިސް ފުރިހަމަކޮށްފި އެވެ.
ދިވެހި ވަތަނީ ހިދުމަތް ރައީސް ޑރ. މުހައްމަދު މުއިއްޒު އިފްތިތާހުކޮށްދެއްވީ މިދިޔަ އޮކްޓޫބަރު މަހު އެވެ.
އަދި އެ ޕްރޮގްރާމްގެ ފުރަތަމަ ބެޗުގައި 350 ކުދިން ބައިވެރިވި އިރު މިއަދު ވަނީ އެ ޕްރޮގްރާމް ފުރިހަމަކުރި 344 ދަރިވަރަކަށް ސެޓްފިކްޓް ދީފަ އެވެ.
ދިވެހި ވަތަނީ ހިދުމަތުގެ ހަރަކާތަކީ ތިންމަސް ދުވަހުގެ ތަމްރީނެކެވެ. އެ ތަމްރީނުގައި، ދިވެހި ގައުމިއްޔަތު، ޒިންމާދާރު ރައްޔިތުކަން، ދީނީ ތައުލީމް، ލީޑާޝިޕް، އަދި ލޭންގުއޭޖް ޕްރޮފިޝެންސީ އުނގަންނައިދެ އެވެ. އަދި ހަށިހެޔޮކަމާއި ދުޅަހެޔޮކަން އިތުރުކޮށް އަށަގެންނެވުމަށް ކަސްރަތާއި ހަށިހެޔޮކަމުގެ ތަމްރީން ހިމެނޭ އިރު، އަޚްލާޤާއި ސުލޫކު ހަރުދަނާކޮށް ކުރިއެރުވުމަށް އަމާޒުކޮށް ހެވިކަމުގެ ތަމްރީނު ކުރިއަށް ގެންދިޔަ އެވެ.
ހަމައެއާއެކު، ފަސްޓް އެއިޑް، ފަޔާ ފައިޓިން، ސެލްފް ޑިފެންސްގެ އިތުރުން ކޭމްޕް ހަރަކާތްތައް ދަސްކޮށްދީ އަދި އަސްކަރީ ހަރަކާތް ތައާރަފުކޮށްދިނުން ވެސް މި ތަމްރީނުގައި ހިމެނިފައިވެއެވެ
Ads by STO
