ޝިޕްމަންޓެއްގައި ގިނަ އަދަދެއްގެ ޑުރަގު އެތެރެކުރި ކުންފުންޏެއްގެ ވެރިޔަކު ހައްޔަރުކޮށްފި
ޝިޕްމަންޓެއްގައި ގިނަ އަދަދެއްގެ ޑުރަގު އެތެރެކުރި ކުންފުންޏެއްގެ ވެރިޔަކު ހައްޔަރުކޮށްފިއެވެ.
ކްރިމިނަލް ކޯޓުން މިރޭ ނެރުނު ބަންދު އަމުރުގައިވާ ގޮތުން އެ މައްސަލައިގައި ހައްޔަރުކުރީ ގދ.ތިނަދޫ/ގޯލްޑަން ހައުސް، މުހައްމަދު އާދިލް(57އ.) އެވެ.
ބަންދު އަމުރުގައި ބުނެފައިވާ ގޮތުން އޭނާގެ ގެ ނަމުގައިވާ ކުންފުންޏެއްގެ ނަމުގައި އެތެރެކުރި ޝިޕްމަންޓަކުން ގިނަ އަދަދެއްގެ މަސްތުވާތަކެތި ފެނިފައިވެއެވެެ. އެހެން ނަމަވެސް އޭގެ ތަފްސީލެއް ބަންދު އަމުރުގައި ހާމައެއް ނުކުރެެއެވެ.
އެ ކުންފުންނަކީ އުވާލުމުގެ މަރުހަލާގައި އޮތް ކުންފުންޏެއް ކަމަށާއި އަދި އެ ކުންފުނި ވިއްކާލަން އުޅެނީ އެ މައްސަލައިގައި ދެން ތުހުމަތު ކުރެވޭ ފަރާތަށް ކަމަށެވެ.
އޭނާގެ މައްޗަށް 10 ދުވަހުގެ ބަންދުގެ މުއްދަތު ޖެހިއިރު ތުހުމަތުތަކަށް ބާރުލިބޭ ވަރަށް
ކަސްޓަމްސްގެ ލިޔުންތަކާއ،ި ފުލުހުންގެ ބަޔާންތަކާއ،ި ފޮޓޯ ރިޕޯޓު އަދި އެހެނިހެން ހެކި ގަރީނާ
ހުށަހަޅާފައިވާކަމަށް ވެސް ބަންދު އަމުރުގައި ބުނެފައި ވެއެވެ.
Ads by STO
