ރާއްޖެއަށް 179,461 ޓޫރިސްޓުން, % 5.9 ގެ ކުރިއެރުން

މި އަހަރުގެ ފުރަތަމަ 25ދުވަހުގެ ތެރޭގައި ރާއްޖެއަށް ޒިޔާރަތްކުރި ފަތުރުވެރިންގެ އަދަދު 179,451އަށް އަރައި، ރާއްޖޭގެ ޓޫރިޒަމް 5.9ޕަސެންޓުގައި ކުރިއަރާކަމަށް ދައްކައިފިއެވެ.

Ads by STELCO

ފަތުރުވެރިކަމާ ބެހޭ ވުޒާރާއިން މިއަދު އާންމުކުރި ތަފާސްހިސާބުތަކަށް ބަލާއިރު، މިއީ 2024އަދި 2025ވަނަ އަހަރުގެ މި މުއްދަތާ އަޅާބަލާއިރު ފާހަގަކޮށްލެވޭ ކުރިއެރުމެކެވެ.

ތަފާސްހިސާބުތަކުން ފެންނަ މަންޒަރު - މިދިޔަ 25ޖެނުއަރީގެ ނިޔަލަށް 179,451ފަތުރުވެރިން އައިސްފައިވެ އެވެ. އަދި އެވްރެޖްކޮށް ދުވާލަކު 7,178ފަތުރުވެރިން ރާއްޖެ އާދެއެވެ. އަދި ފަތުރުވެރިން އެވްރެޖްކޮށް 7.9ދުވަސް ރާއްޖޭގައި ހޭދަކުރެއެވެ.

އެންމެ ގިނައިން ފަތުރުވެރިން އަންނަ މާކެޓްތައް

ރަޝިޔާ: 25,604ފަތުރުވެރިން (14.3%)
އިޓަލީ: 20,443ފަތުރުވެރިން (11.4%)
ޗައިނާ: 17,910ފަތުރުވެރިން (10.0%)
އިނގިރޭސިވިލާތް: 15,221ފަތުރުވެރިން (8.5%)
ޖަރުމަނުވިލާތް: 11,878 ފަތުރުވެރިން (6.6%)

މިހާރު ރާއްޖޭގައި ފަތުރުވެރިންނަށް ޚިދުމަތް ދިނުމަށް 1,192ފެސިލިޓީއެއް އޮޕަރޭޓްކުރަމުންދާއިރު، މީގެ ތެރޭގައި 179ރިސޯޓާއި 833ގޭސްޓްހައުސް ހިމެނެއެވެ. ޖުމްލަ އެނދުގެ އަދަދަކީ 63,242އެވެ. ފަތުރުވެރިން ރާއްޖެއަށް އެތެރެވުމުގައި އެންމެ ބޮޑު ހިއްސާއެއް އަދާކުރަނީ ވެލާނާ އިންޓަނޭޝަނަލް އެއާޕޯޓުންނެވެ. އެއީ ޖުމްލަ އެރައިވަލްސްގެ 94.7އިންސައްތައެވެ.