ބީއެމްއެލް ކްރެޑިޓް ކާޑު ލިމިޓް ދެ ގުނަ ބޮޑުކޮށްފި
ބެންކް އޮފް މޯލްޑިވްސް (ބީއެމްއެލް) ކްރެޑިޓް ކާޑު ލިމިޓް ދެ ގުނަ ބޮޑު ކުރަން ނިންމައިފިއެވެ.
އަންނަ އާދީއްތަ ދުވަހުން ފެށިގެން ބީއެމްއެލްގެ ކްރެޑިޓް ކާޑުތަކުގެ ލިމިޓް 750 ޑޮލަރުން 1400އަށް ބޮޑުކުރަން ވަނީ ނިންމާފަ އެވެ.
އަދި ގޯލްޑް ކްރެޑިޓް ކާޑުތަކުގެ ލިމިޓް 750 ޑޮލަރުން 1500 ޑޮރަލަށް ވަނީ މަތިކޮށްފައެވެ. އޭގެއިތުރުން، ޕްލެޓިނަލް ކްރެޑިޓް ކާޑުތަކުގެ ލިމިޓް 1500 ޑޮލަރުން 3000 ޑޮލަރަށް ވަނީ މަތިކޮށްފައެވެ.
ބީއެމްއެލްއިން ވަނީ މި ބަދަލާއެކު އާންނަ އާދީއްތަ ދުވަހުން ފެށިގެން ޑެބިޓް ކާޑުތަކުގެ ލިމިޓުވެސް މަތިކޮށްފައެވެ. އެގޮތުން މި ބަދަލާއެކު ބޭސްފަރުގެ ބޭނުމަށާއި ދަތުރުފަތުރުގެ ބޭނުމަށް ބޭރުގައި ހަރަދުކުރެވޭ މިންވަރު ވަނީ މަހަކު 3000 ޑޮލަރަށް މަތިކޮށްފައެވެ.
ބީއެމްއެލް އިން ބުނީ މިބަދަލާއެކު ރާއްޖޭން ބޭރަށް ދަތުރުކުރަން ބޭނުންވާ ބީއެމްއެލްގެ ކަސްޓަމަރުންގެ އެކައުންޓުގައި ދިވެހި ރުފިޔާ ހުރެއްޖެނަމަ އެއާލައިންތަކުގެ ސައިޓްތަކުން ޑައިރެކްޓްކޮށް ދުރާލާ ޓިކެޓު ގަތުމުގެ ފުރުސަތު ލިބޭނެކަމަށެވެ. އަދި ކާޑުން ހޮޓަލަށް ފައިސާ ދެއްކުމުގެ ގާބިލްކަންވެސް އިތުރުވާނެ ކަމަށެވެ.
