މޯލްޑިވިއަން އިން ކުރާ އެތެރޭގެ އުދުހުންތައް މެދު ކަނޑާލައިފި
މާލެ ލޮކްޑައުން ކުރުމާ ގުޅިގެން މޯލްޑިވިއަން އިން ކުރާ އެތެރޭގެ އުދުހުންތައް މެދު ކަނޑާލައިފިއެވެ.
މޯލްޑިވިއަން އިން ބުނީ ކޮވިޑް-19އާ ގުޅިގެން މާލެސިޓީ ލޮކްޑައުންގެ ޙާލަތަށް ގެނެސްފައިވާތީ ހެލްތު ޕްރޮޓެކްޝަން އެޖެންސީ(އެޗްޕީއޭ) އިން ވަކި ގޮތަކަށް އަންގަންދެން އެތެރޭގެ އުދުހުންތައް މި ވަގުތަށް މެދުކަނޑާލާފައިވާ ކަމަށެވެ.
ކޮވިޑް-19އާ ގުޅިގެން މާލެސިޓީ “ލޮކްޑައުން” ޙާލަތަށް ގެނެސްފައިވާތީ އެޗް.ޕީ.އޭއިން ވަކި ގޮތަކަށް އަންގަންދެން އެތެރޭގެ އުދުހުންތައް މި ވަގުތަށް މެދުކަނޑާލާފައިވާ ވާހަކަ ހުރިހާ ކަސްޓަމަރުންގެ މަޢުލޫމާތައްޓަކައި ދެންނެވީމެވެ.
— Maldivian (@MaldivianAero) April 15, 2020
މޯލްޑިވިއަންގެ އިތުރުން މަންތާ އެއާއިން ވެސް ވަނީ މާލޭ ލޮކްޑައުން ކުރުމާ ގުޅިގެން އެ އެއާލައިން ކުރާ އެތެރޭގެ ދަތުރުތައް މެދު ކަނޑާލަން ނިންމާފައެވެ.
Due to the current lockdown situation and due to HPA’s announcement, we are suspending all planned charter flights until we get updates regarding the current situation.
We hope you will continue to fly with us when the time is right.#StaySafe #TravelSafe
— Manta Air (@MantaAir) April 15, 2020
މާލެ ސަރަހައްދު 24 ގަޑިއިރަށް ލޮކްޑައުން ކޮށްފައިވަނީ މާލެއިން ކޮވިޑް-19 އަށް މީހަކު ފައްސިވުމާ ގުޅިގެންނެވެ. އެމީހާ ބައްޔަށް ފައްސި ވެފައިވާކަން އެނގިފައިވަނީ މާލެ ފުލޫ ކްލިނިކަށް ދެއްކުމުން ކަމަށް އެޗްޕީއޭ އިން ހާމަކުރެއެވެ.
ރާއްޖެއިން ޖުމްލަ 21 މީހަކު ކޮވިޑަށް ފައްސި ވެފައިވެއެވެ. މީގެތެރެއިން 16 މީހަކު މިހާރު ވަނީ މިހާރު ބަލިން ރަނގަޅުވެފައެވެ. ރާއްޖެއިން ކޮވިޑަށް ޕޮޒިޓިވްވި މީހުންގެ ތެރެއިން ދެ މީހަކު ބައްޔަށް ފައްސިވިކަން އެނގުނީ ރާއްޖެ އިން ފުރިފަހުންނެވެ.
Ads by STO
