ކޮރޯނާވައިރަސް އެއްގެ ބައްޓަމަށް މި ރެސްޓޯރެންޓުން ތައްޔާރު ކުރީ ކޭކެއް! ކާ ހިތްވޭތަ؟
ޕެރެގުއޭގެ ހިސްޓޮރިކް ސެންޓަރުގައި ހުންނަ ރެސްޓޯރެންޓަކުން، ކޮރޯނާ ވައިރަސްގެ ބައްޓަމަށް ފޮނި ކާއެއްޗެއް ތައްޔާރު ކޮށްފިއެވެ.
މި ޑެޒާޓް ތައްޔާރު ކުރި މީހާގެ ނަމަކީ އޮލްގާ ބުޑްނިކްއެވެ. އޭނާ ބުނާގޮތުގައި މި ޑެޒާޓް ތައްޔާރު ކުރަން އޭނާގެ ޚިޔާލަށް އައި ކޮވިޑް-19ގެ ފުރަބަންދުގެ ތެރޭގައެވެ. އަދި އިންޓަނެޓުން ކޮރޯނާވައިރަސްގެ ފޮޓޯއެއް ފެނުމުން އޭގެ ބައްޓަމަށް ކާއެއްޗެއް ހަދަން ވިސްނީ ކަމަށް އޭނާ ބުންޏެވެ.
މި ޑެޒާޓްގެ ސައިޒަކީ ކޮބާކަަން އެނގޭހެއްޔެވެ؟ މީގެ ސައިޒު ޓެނިސް ބޯޅައަަކަށްވުރެ ކުޑަ ވާނީ ކުޑަ ތަންކޮޅެކެވެ. މި ޑެޒާޓް ތައްޔާރު ކޮށްފައިވަނީ ޗޮކްލެޓް ކްރަސްޓް އަދި ކޮކޯ ބަޓާ ސްޕްރޭ އިންނެވެ. އަދި މި ޑެޒާޓްގައި ހުންނަ ކޮރޯނާވައިރަސްގެ ކަށިތައް ހަދާފައިވަނީ ވައިޓް ޗޮކްލެޓާއި ހިކި ރާސްބެރީ އިންނެެވެ.ހަމައެހެންމެ މި ޑެޒާޓްގެ އެތެރެއަށް ބިސްޓާޗިއޯ އާއި ރާސްބެރީ އަޅާފައި ހުންނަ ކަމަށްވެއެވެ.
މި ޑެޒާޓް ވަނީ އާންމުންގެ ތެރޭގައި ބޮޑު މަގުބޫލުކަމެއް ހޯދާފައެވެ. އެގޮތުން ކޮންމެ ދުވަހަކު 100 އަށްވުރެ ގިނައިން މިވައްތަރުގެ ޑެޒާޓް ވިކޭ ކަމަށް މި ރެސްޓޯރެންޓުގެ މެނޭޖަރު ވޮޖްޓެކް ހާމަނިކް މައުލޫމާތު ދެއެވެ. އަދި އޭނާ ބުނާ ގޮތުގައި މި ކޭކްގެ ނަމަކީ ކޮރޯނާ ވައިރަސް ކޭކް އެވެ.
މި ކޭކުން ބުނެދޭން ބޭނުންވަނީ ކޮވިޑް-19 ގެ ސަބަބުން ދިރިއުޅުމުގައި ހުރިހާ އެއްޗެއް އަދި ގެއްލިގެން ނުދާކަމެވެ.
