މިއީ އަޅުގަނޑުމެންގެ އަމަލުތައް ސީދާ ކުރަންވީ ވަގުތު: ޝެއިހް އަލީ ޒާހިރުު
މިއީ އަޅުގަނޑުމެންގެ ޢަމަލުތައް ސީދާ ކުރަންވީ ވަގުތުކަމަށް މަޝްހޫރު ދީނީ ޢިލްމުވެރިޔާ ޝެއިހް އަލީ ޒާހިރު ބިން ސަޢީދު ޤާސިމް ވިދާޅުވެއްޖެއެވެ.
ޝައިޚް އަލީ ޒާހިރު ވިދާޅުވީ، ބިރުވެރި ހަާލަތުގައި ވިސްނަންވީ އަމާންކަމުގައި ޢަމަލްތައް ބެހެއްޓި ގޮތާ މެދުގައިކަމަށާއި ދަތި ހާލުގައި ހަނދާން ކުރަންވީތަނަވަސްކަމުގައި ޢަމަލުތައް ބެހެއްޓި ގޮތާއިމެދުކަމަށެވެ.
މީގެ އިތުރުން މިދުވަސްވަރު ކޮވިޑް 19 އިން އަރައިގަތުމަށް ސަރުކާރާއި ސިއްޙީ ހިދުމަތްތެރިން ކުރައްވާ ބުރަ މަސައްކަތް ޝުކުރުވެރިކަމާއިއެކު ބަލައިގަންނަންޖެހޭކަމަށްވެސް ޝައިޚް އަލީ ޒާހިރު ވިދާޅުވިއެވެ.
މާލެއިން ތިން މީހަކު މިހާތަނަށް ކޮވިޑް-19 އަށް ފައްސިވެފައިވާއިރު، މި ތިން މީހުންނަކީ ވެސް ފުރަތަމަ ފައްސިވި މީހާގެ އާއިލާ ބައެއްކަން ވަނީ އެނގިފައެވެ. އޭގެ ތެރެއިން ދެވަނަ ކޭސް އަކީ ފުރަތަމަ ފައްސިވި މީހާގެ ދަރިފުޅުކަން އެޗްޕީއޭއިން ވަނީ ހާމަކޮށްފައެވެ.
