ކުށުގެ ރެކޯޑް ބަލަހައްޓާނީ ޑީޖޭއޭ އިން ކަމަށް ހަމަޖައްސައިފި

ކުށުގެ ރެކޯޑް ބަލަހައްޓާ އިދާރާއެއް ހުރުން ލާޒިމްކޮށްފައި ވާތީ އެ އިދާރާ އަކީ ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) ކަމަށް ހަމަޖައްސައިފި އެވެ.

Ads by STELCO

މިއީ ޖިނާއީ އިޖުރާޢަތުގެ ޤާނޫނުގެ އެންމެ ފަހުން ގެނައި އިސްލާހުތަކާއި ގުޅިގެން ގެނައި ބަދަލެކެވެ.

އެގޮތުން ޖިނާއީ އިޖުރާއަތުގެ ޤާނޫނަށް ތިން ވަނަ އިސްލާހު ގެނައުމުގެ ގާނޫނު މިދިޔަ ސެޕްޓެމްބަރު މަހުގެ 22 ގައި ގެޒެޓްކޮށްފައި ވާއިރު އޭގައި ބުނަނީ ގާނޫނަށް ޢަމަލުކުރަން ފަށާތާ 30 ދުވަހުގެ ތެރޭގައި، މަރުކަޒީކޮށް ކުށުގެ ރެކޯޑު ބަލަހައްޓާނެ އިދާރާއެއް އެޓާނީ ޖެނެރަލް ކަނޑައަޅަންވާނެ ކަމަށެވެ.

އޭޖީ އޮފީހުން ބުނެފައިވަނީ ގާނޫނުން މިގޮތަށް ލާޒިމްކުރާތީ، ޑީޖޭއޭ އަކީ މަރުކަޒީކޮށް ކުށުގެ ރެކޯޑް ބަލަހައްޓާ އިދާރާ ކަމަށް އެޓާނީ ޖެނެރަލް އިބްރާހިމް ރިފްއަތު ހަމަޖެއްސެވީ ޑީޖޭއޭ ކަމަށެވެ.