ޑާކްރެއިން ޝޯޓްސް: "އަނގުރު" ވަރަށް ތަފާތު
ދިވެހި ފިލްމީ ދާއިރާގައި އެންމެ ގިނަ ދުވަސްވީ ޕްރޮޑަކްޝަން ހައުސް ޑާކްރެެއިނުން ފަށާފައިވާ މުޅިން އާ ޕްރޮޖެކްޓު ކަމުގައިވާ"ޝޯޓްސް" އިން މިއަދު ރިލީޒް ކުރީ ކުރު ވީޑިއޯ "އަނގުރު" އެވެ.
"ޝޯޓްސް" އާއި ބެހޭގޮތުން ޑާކްރެއިން ގެ ބާނީ މުޙަައްމަދު ޢަލީ (މޮގާ) "ދެން" އަށް މީގެ ކުރިން މައުލޫމާތު ދެމުން ބުނީ މިއީ ޑާކްރެއިނަށް، ވަގުތުވާ ވަރަކުން އުފައްދާ ކުރު ވީޑިއޯތަކެއް ކަމަށެވެ.
އެގޮތުން ޑާކްރެއިން "ޝޯޓްސް" ގެ ފުރަތަމަ ވީޑިއޯ ރިލީޒް ކުރީ މިމަހުގެ އެއްވަނަ ދުވަހުގައެވެ. އެއަށްފަހު މިއަދު ރިލީޒް ކުރީ 10 ވަރަކަށް މިނެޓުގެ "އަނގުރު" އެވެ.
"އަނގުރު" ގެ ލީޑް ރޯލުން ފެނިފައިވަނީ ބައިސްކޯފުން ދެއްކި "އެހެނަސް" އިން ތައާރަފް ވެފައިވާ އައިމިނަތު ސިލްނާ އާއި ގިނަ ފިލްމްތަކެއްގައި ބައްޕައެއްގެ ރޯލު އަދާކޮށްފައިވާ ޙަސަން މަނިކު އެވެ.
މޮގާ ބުނި ގޮތުގައި "ޝޯޓްސް" ގެ ވީޑިއޯ ތަކުގައި ހަރަކާތްތެރި ވާނީ އަލަށް މިދާއިރާއަށް ނިކުންނަ ފަންނާނުންނާއި މިހާރު ވެސް މިދާއިރާގައި އުޅޭ ފަންނާނުން ކަމަށެވެ.
Ads by STO
