ސަރުކާރުގެ އަމާޒަކީ އިންސާނީ ކަރާމަތަށް އިސްކަން ދީގެން ޖަލު ބެލެހެއްޓުން: އިމްރާން

ސަރުކާރުގެ އަމާޒަކީ އިންސާނީ ކަރާމަތަށް އިސްކަން ދީގެން ޖަލު ބެލެހެއްޓުން ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.

Ads by STELCO

މާފުށީ ޖަލުގައި ހިނގި ހަމަނުޖެހުމެއްގައި ދެ އޮފިސަރަކާއި ގައިދީއަކަށް ވަނީ އަނިޔާވެފައެވެ.

މޯލްޑިވްސް ކަރެކްޝަންސް އިން ބުނީ މާފުށީ ޖަލުގެ ޔުނިޓު 9 ގައި ތިބި ޤައިދީންނަށް ރޭ ކާންދިނުމަށްޓަކައި ޔުނިޓު ހުޅުވި ވަގުތު ބައެއް ޤައިދީން ވަނީ ގަދަކަމުން ޔުނިޓުން ނުކުމެފައި ކަމަށެވެ. ނަމަވެސް، ހާލަތު މިހާރު ވަނީ ކޮންޓުރޯލުކިރެވިފައި ވާއިރު ހާދިސާގައި ޤައިދީއަކަށާއި 2 އޮފިސަރަކަށް އަނިޔާވެފައިވާ ކަމަށް ކަރެކްޝަންސް އިން ބުނެއެވެ.

މިނިސްޓަރު އިމްރާނު ކުރެއްވި ޓްވީޓެއްގައި ވިދާޅުވީ ކޮވިޑް19 އާއެކު މުވައްސަސާތަކަށް ބާރުބޮޑުވެ ނާޒުކުވި ވަގުތު، ޖަލުހަލަބޮލިކޮށްލަން ކުރި މަސައްކަތް ގައިދީންނާއި އޮފިސަރަށް ބޮޑު ގެއްލުމެއް ނުވެ ކޮންޓްރޯލު ވުމަކީ ﷲގެ ވާގިފުޅާއެކު އޮފިސަރުންގެ ކުޅަދާނަކަން ކަމަށެވެ.

ކޮވިޑް19 އަ ގުޅިގެން މުއައްސަސާތަކުން ބުރަކޮށް އުޅެމުންދާ ވަގުތު ބަލާ މާފުށި ޖަލުގެ ގައިދީން ުޅުނީ އެ ޖަލު ހަލަބޮލި ކޮށްލަން ކަމަށާއި ނަމަވެސް އެ މަސައްކަތްވީ ނާކާމިޔާބު ކަމަށް ހޯމް މިނިސްޓަރު ވިދާޅުވިއެވެ.