އާޒިމް ސަރ: އެމްއެންޑީއެފް ގެ ޚިދުމަތުގައި 32 އަހަރު!
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) ގެ ތަރުޖަމާނު މޭޖަރ އިބްރާހިމް އާޒިމް، އެޚިދުމަތުގައި އުޅުއްވާތާ މިއަދަށް 32 އަހަރު ފުރިއްޖެއެވެ.
ޚިދުމަތުގެ ހަނދާންތައް އާކުރަމުން އާޒިމް ސަރ މިއަދު ކުރެއްވި ޓްވީޓެއްގައި ވިދާޅުވެފައިވަނީ، އެމްއެންޑީއެފްގެ ޚިދުމަތުގައި އެމަނިކުފާނު ހުންނަވާތާ މިއަދަށް 32 އަހަރުވެފައިވާ ކަމަށެވެ.
ސިފައިންގެ ޚިދުމަތަށް އެންމެ ފުރަތަމަ އެމަނިކުފާނު ނިކުމެފައިވަނީ 19 އޭޕްރިލް 1988 ވަނަ އަހަރުއެވެ. އެއިރު ޚިދުމަތް ކުރެއްވީ ނޭޝަނަލް ސެކިއުރިޓީ ސާވިސަސް (އެންއެސްއެސް) އަށެވެ. އެއިރު އުމުރުފުޅުން ވާނީ އެންމެ 18 އަހަރު ކަމުގައިވެސް އާޒިމް ސަރ ގެ ޓްވީޓުގައި ވިދާޅުވެފައިވެއެވެ.
Alhamdulillah, today is a memorable day as it officially marks 32 years of my dedicated national service in the Maldives National Defence Force (MNDF).
My first ever job in National Security Service (NSS) began on 19th April 1988 at the age of 18 years. pic.twitter.com/SFnLFdxMzR— Ibrahim Azim (@IbrahimAzim9) April 18, 2020
ޚަބަރަށް ބޭނުންވާ މައުލޫމާތު ފޯރުކޮށްދެއްވުމަށް ނޫސްވެރިންގެ ސުވާލުތަކަށް ވެސް ކެތްތެރިކަމާއެކު ޖަވާބު ދެއްވަމުން ގެންދަވާ އިބްރާހިމް އާޒިމް އަކީ ގިނަ ނޫސްވެރިންނާއި އާއްމުންގެވެސް އިޙްތިރާމާއި ލޯބި ލިބިގެންވާ ބޭފުޅެކެވެ. އެގޮތުން "ކެޕްޓަން އާޒިމް" ގެ މަގާމުގައި އެމަނިކުފާނު ހުންނެވުމަށްފަހު، ފަހުން "މޭޖަރ " ކަމުގެ މަގާމު ލިބުމުން ވެސް ގިނަ ބަޔަކު އެމަނިކުފާނަށް މަރުހަބާ ކިޔާ ތައުރީފު ކޮށްފައިވެއެވެ. އަދި މިއަދު، ޚިދުމަތުގައި 32 އަހަރު ފުރިފައިވުމުން ވެސް އެމަނިކުފާނަށް ގިނަ މީހުން ވަނީ މަރުހަބާ ކިޔާފައެވެ.
