އިންޑިޔާއިން އަބަދުވެެސް ރާއްޖެއަށް އެހީތެރިވާނަން: އިންޑިޔާގެ ބޮޑުވަޒީރު
މިހާރު ދުނިޔޭގައި ހަލުވިކަމާއެކު ފެތުރެމުންދާ ކޮރޯނާ ވައިރަސްއާއެކު ރާއްޖޭއަށް ދިމާވެފައިވާ ގޮންޖެހުންތައްކުން އަރައިގަތުމަށް އެހީތެރިވުމަށް އަބަދުވެސް ތައްޔާރަށް އޮންނަވާނެ ކަމަށް އިންޑިޔާގެ ބޮޑު ވަޒީރު ނަރެންދެރަ މޯދީ ވިދާޅުވެއްޖއެވެ.
އިންޑިއާގެ ބޮޑުވަޒީރު މޯދީ ކުރެއްވި ޓްވީޓެއްގައި ވިދާޅުވީ ކޮރޯނާގެ ބަލިމަޑުކަމާ ގުޅިގެން ރާއްޖޭގެ ސިއްހީ ދާއިރާ އާއި އިގްތިސާދަށް ދިމާވެފައިވާ ގޮންޖެހުންތަކާ ގުޅޭގޮތުން ރައީސް ސޯލިހާއެކު ފޯނުން މަޝްވަރާ ކުރައްވާފައިވާކަމަށެވެ.
"އިންޑިއާ އާއި ރާއްޖެ އާއި ދެމެދު އޮންނަ ހާއްސަ ގުޅުމާއެކު މި ބަލިމަޑުކަމުން އަރައިގަތުމަށް ގުޅިގެން މަސައްކަތް ކުރާނަން. އިންޑިއާ އިން އަބަދުވެސް ރާއްޖެއާއެކު އޮންނާނެ،" މޯދީގެ ޓްވީޓުގައި ވިދާޅުވި އެވެ.
The special bond between India and Maldives strengthens our resolve to fight this common enemy together. India will stand by its close maritime neighbour and friend in this challenging time.
— Narendra Modi (@narendramodi) April 20, 2020
ރާއްޖެއިން މިހާތަނަށް 52 މީހަކު ބައްޔަށް ޕޮޒިޓިވް ވެފައިވާއިރު އޭގެ ތެރޭގައި އިންޑިއާގެ ދެ މީހަކުވެސް ހިމެނެ އެވެ.
