ހެލްތު މިނިސްޓަރަކަށް ނަސީމް އައްޔަން ކުރައްވައިފި
މިނިސްޓަރ އޮފް ހެލްތުގެ މަގާމަށް އަހުމަދު ނަސީމް (ކެރަފާ ނަސީމް) އައްޔަން ކުރައްވައިފިއެވެ.
ރައީސް އޮފީހުގެ ތަރުޖަމާނު އިބްރާހިމް ހޫދު މިއަދު ކުރެއްވި ޓްވީޓެއްގައި ވިދާޅުވެފައިވަނީ ރައީސުލް ޖުމްހޫރިއްޔާ އިބްރާހިމް މުޙައްމަދު ޞާލިޙު ، މިނިސްޓަރ އޮފް ހެލްތު ގެ މަގާމަށް ހ. ހިކިފެންމާގޭ އަހުމަދު ނަސީމް (ކެރަފާ ނަސީމް) އައްޔަން ކުރައްވައިފި ކަމަށެވެ.
ހެލްތު މިނިސްޓަރު ކަމަށް ނަސީމް އައްޔަނު ކުރެއްވިއިރު އޭނާ ހުންނެވީ ރައީސް އޮފީހުގެ މިނިސްޓަރުކަމުގެ މަގާމުގައެވެ. މީގެ އިތުރުން އޭނާއަކީ ވެރިކަން ކުރާ ޕާޓީ އެމްޑީޕީ ގެ އިސް ބޭފުޅެއް ވެސް މެއެވެ.
ހެލްތު މިނިސްޓަރ ކަމަށް ނަސީމް އައްޔަނު ކޮށްފައި މިވަނީ ކުރިން އެމަގާމުގައި ހުންނެވި ޢަބްދުﷲ އަމީން އިއްޔެ އިސްތިއުފާ ދެއްވުމުންނެވެ. އަމީން އިސްތިއުފާ ދެއްވީ ވެންޓިލޭޓަރު މައްސަލައިގައި ޚިޔާނާތްތަކެއް ހިންގާފައިވާކަމުގެ ތުހުމަތުތަކެއް ކުރެވި، އެމައްސަލަ ބަލާ، އެކަމާއި ގުޅިގެން އޭނާ މަގާމުން ވަކި ކުރުމުގެ މަސައްކަތްތަކެއް ވެސް ކުރަމުން ދަނިކޮށެވެ.
