ކައިވެނި ޕާޓީއަކަށް މީހުން ގޮވައިގެން ދަތުރުކުރި ދޯންޏެއްގެ އިންޖީނު ހުއްޓިއްޖެ

ކައިވެނި ޕާޓީއަކަށް ގދ. ތިނަދޫ އިން އެތަތޮޅު ގައްދޫއަށް ދަތުރުކުރަމުންދިޔަ ދޯންޏެއްގެ އިންޖީނު ހުއްޓިގެން އެމްއެންޑީއެފުން އެހީތެރިކަން ފޯރުކޮށްދީފިއެވެ.

Ads by MWSC

އެމްއެންޑީއެފުން ބުނީ އެ ދޯނީގެ އިންޖީނު ހުއްޓިފައި ވަނީ ގދ. ހަވޮޑިގަލާ ކައިރިން ކަމަށެވެ. އެ މީހުންނަކީ ކައިވެނި ޕާޓީއަކަށް ދަތުރު ކުރަމުންދިޔަ ބައެއް ކަމަށް އެމްއެންޑީއެފް އިން ބުނެއެވެ.

މިކަމާ ގުޅޭ މައުލޫމާތު ލިބުމުން އެމްއެންޑީއެފް ސަދަން އޭރިއާގެ އެހީތެރިކަމާ އެކު 10:30 އެހާކަންހާއިރު ސީ އެމްބިއުލާންސްގައި އެމީހުން ތިނަދޫ އަށް ގެންގޮސްދީފައިވާ ކަމަށްވެސް އެމްއެންޑީއެފުން ހާމަކުރެއެވެ.

އިންޖީނު ހުއްޓުނު އެ ދޯނީގައި އަންހެނުންނާއި ކުޑަކުދިންވެސް ތިބި ކަމަށް އެމްއެންޑީއެފުން މައުލޫމާތުދެއެވެ.