ރައީސްކަން ކޮށްފައިވާ ފަރާތްތަކަށް ލިބޭ އިނާޔަތް ދޫކޮށްލުމަށް މެމްބަރު ސަލީމް ގޮވާލައިފި
ރައީސްކަން ކޮށްފައިވަ ފަރާތްތަކަށް ލިބޭ އިނާޔަތްތައް ދޫކޮށްލުމަށް އޭދަފުށީ ދާއިރާގެ މަޖިލިސް މެމްބަރު އަދި މަޖިލީހުގެ މައިނޯރިޓީ ލީޑަރު އަހުމަދު ސަލީމް ގޮވާލައްވައިފިއެވެ.
ފިނޭންސް މިނިސްޓަރު މަޖިލީހަށް ހުށަހަޅާފައިވާ މައްސަލައިގައި ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުން ސަލީމް ވިދާޅުވީ ރައީސްކަން ކޮށްފައިވަ ފަރާތްތަކަށް ލިބޭ އިނާޔަތްތައް ދޫކޮށްލަންޖެހޭ ކަމަށެވެ. އަދި މަޖިލީހުގެ މެމްބަރުންނާއި ސިޔާސީ ހުރިހާ ފަރާތްތަކުގެ މުސާރަ 20،000 ރުފިޔާއަށް ކުޑަކުރަންޖެހޭކަން ވެސް ސަލީމް ފާހަގަކުރެއްވިއެވެ.
އަދި ރައީސުލްޖުމްހޫރިއްޔާގެ މުސާރަވެސް ކުރިއަށް އޮތް ހަ މަސްދުވަހަށް ނުނެގުމަށް ސަލީމް ގޮވާލެއްވި އެވެ.
މީގެ އިތުރުން ވެސް ސަރުކާރަށް ވަރަށް ބޮޑަށް ފާޑު ކިޔައި ސަލީމް ވިދާޅުވީ މިވަގުތު މަޝްރޫއުތައް ތަކަށް ވުރެ މުހިންމީ ރައްޔިތުން ކަމަށެވެ.
މިހާރު ހިނގަމުންދާ މަޝްރޫއުތައް ވެސް ނުހިނގާނެކަން އެބައިނގޭ ކަމަށާއި ބަޖެޓުގައި ފައިސާ ނެތް ކަން އިނގޭ ސަލީމް ވަނީ މިހާރު ހިނގަމުންދާ މަޝްއޫރު ތައް ހުއްޓާލުމަށް ވެސް ގޮވާލާފައެވެ.
