އައިސޮލޭޝަނަށް ފަހު މަހްލޫފް އަނެއްކާވެސް އެނބުރި ޑެލިވަރީ ކުރުމަށް!
އައިސޮލޭޝަންގައި ހުންނެވުމަށް ފަހު ޔޫތް މިނިސްޓަރު އަހުމަދު މަހްލޫފް އެނބުރި ޑެލިވަރީ ކުރުމުގައި ބައިވެރިވާން ފަށައިފިއެވެ.
މަހްލޫފް އިސްކޮށް ހުންނަވައިގެން ޑެލިވަރީ ކުރުމުގައި ހަރަކާތްތެރިވި ވޮލަންޓިއަރުންގެ ގްރޫޕުން މަަސައްކަތްކޮށްދިން، އިހުސާން ފިހާރައިގެ ދެ މުވައްޒަފަކު ކޮވިޑް-19 އަށް ފައްސިވުމުން ވުމުން މަހްލޫފް ވަނީ ގޭގައި އެކަހެރިވެފައެވެ.
މަހްލޫފް މިއަދު ކުރެއްވި ޓްވީޓެއްގައި ވިދާޅުވީ 15 ދުވަސް ފަހުން އިހްސާން ފިހާރައިގެ ވޮލަންޓައަރުންނާއެކު އެނބުރި މަސައްކަތަށް ނިކުންނަވާފައިވާ ކަމަށެވެ.
"މިކަމުން ލިބުނު އެންމެ ބޮޑު ފިލާވަޅަކީ އެޗްޕީއޭ އިން ޑެލިވަރީ ކުރުމަށް ކަނޑައަޅާފައިވާ އުސޫލާއި އެއްގޮތަށް ރައްކާތެރިކަމުގެ ފިޔަވަޅު އަޅައިގެން މަސައްކަތް ކުރުމުން ބަލި ޖެހުމުގެ ފުރުސަތު ކުޑަކަން." މަހްލޫފް ވިދާޅުވިއެވެ.
15 dhuvas fahun Ihusaan Fihaaraige volunteerun aaieku enburi masahkathah.Mikamun libunu emmebodu filaavalhakee HPA inn delivery kurumah kanda’alhaafaivaa usool aai ehgothah rahkaatherikamuge fiyavalhu alhaigen masahakaiy kurumun bali jehumuge furusathu kudakan. ٱلْحَمْدُ لِلَّٰهِ pic.twitter.com/CVtF4nxXsO
— Ahmed Mahloof (@AhmedMahloof) May 3, 2020
މަހްލޫފްއާއި ވޮލަންޓިއަރުން ގޭގައި މަޑުކުރަން އޭނާ އެންގެވީ މިދިޔަ މަހުގެ 20 ވަނަ ދުވަހު އިހްސާން ފިހާރައިގެ ދެ މުވައްޒަފުން ކޮވިޑަށް ފައްސިވިކަން އެ ފިހާރައިން އެންގި ހިސާބުނެވެ.
