އަކްރަމަކީ މުވައްޒަފުންނަށް ޖިންސީ ގޯނާކޮށްފާނެ މީހެއް ނޫން - ޝަރީފް
އިލެކްޝަން ކޮމިޝަންގެ މެންބަރުކަމުން މިއަދު އިސްތިއުފާ ދެއްވި، އެ ކޮމިޝަންގެ ނައިބު ރައީސް ، އަކްރަމަކީ މުވައްޒަފުންނަށް ޖިންސީ ފުރައްސާރަކޮށް، ގޯނާ ކޮށްފާނެ މީހެއް ނޫން ކަމަށް އެ ކޮމިޝަންގެ ރައީސް އަހުމަދު ޝަރީފް ވިދާޅުވެއްޖެއެވެ.
އަކްރަމް މަގާމުން އިސްތިއުފާ ދެއްވީ އެ ކޮމިޝަނުގެ ބައެއް މުވައްޒަފުންނަށް ޖިންސީ ފުރައްސާރަ ކުރި ކަމަށް ތުހުމަތުކުރުމާއި ގުޅިގެންނެވެ.
"އަކްރަމް އަކީ އީސީ އަށް ގެއްލިގެން ދިޔަ ހުނަރުވެރި، ގާބިލް ހިންގުންތެރިއެއް. އޭނާ އަކީ މުވައްޒަފުންނަށް ޖިންސީ ފުރައްސާރަކޮށް ގޯނާ ކޮށްފާނެ މީހެއް ނޫން. ހިތްވަރު ގަދަ ކުރައްވާ. ދިރިއުޅުމުގައި އަޑިގަނޑުތައް އަންނާނެ" ޝަރީފްގެ ޓްވީޓްގައި ވެއެވެ.
މިކަމާއި ގުޅިގެން އީސީގެ ނައިބު ރައީސް ކަމުގައި ހުންނެވި އަކުރަމް މަގާމުން އިސްތިއުފާ ދެއްވާފައިވާކަން ހާމަކޮށް ރައީސް އޮފީހަށް ފޮނުވި ސިޓީގައި ވިދާޅުވެފައި ވަނީ، އޭނާ އެ ކޮމިޝަންގެ މެންބަރުކަމުން މިއަދުން ފެށިގެން އިސްތިފާ ދީފައިވާ ކަމަށެވެ.
އަކްރަމް މަގާމުން އިސްތިއުފާ ދެއްވާފައިވަނީ މަގާމުން ވަކިކުރަން ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން އިއްޔެ ފާސްކޮށްފައި ވަނިކޮށެވެ.
ކަލޭ ތިޔައީ ދޮގެއް ހެދޭން އޮއްވައި ތެދެއް ހަދައިފާނެ މީހެއް ނޫން.