ގަވާއިދާ ހިލާފަށް އުޅެމުން ދިޔަ ބަންގްލަދޭޝްގެ 352 މީހަކު ގައުމަށް ފޮނުވާލައިފި
ރާއްޖޭގައި ގަވާއިދާ ހިލާފަށް އުޅެމުންދާ ބަންގްލަދޭޝްގެ 352 މީހަކު އަނބުރާ ގައުމަށް މިއަދު ފުރައިފިއެވެ.
ބަންގްލަދޭޝްގެ 352 މީހުންގެ އިތުރުން އިންޑިއާގެ 152 މީހަކު ވެސް މިއަދު އަނބުރާ ގައުމަށް ފުރާފައެވެ.
ބަންގްލަދޭޝްގެ ރައްޔިތުން އަނބުރާ ގައުމަށް ފުރާފައިވަނީ މޯލްޑިވިއަންގެ ދެ ޗާޓަރު ފްލައިޓުގައެވެ. އިންޑިއާގެ ރައްޔިތުން ފުރާފައިވަނީ އެގައުމުގެ ރައްޔިތުން އަނބުރާ ގައުމަށް ގެނައުމަށް ފަށާފައިވާ އޮޕަރޭޝަނުގެ ތެރެއިން ރާއްޖެ އައި އެއާ އިންޑިއާގެ ފްލައިޓުގައެވެ.
މީގެއިތުރުން މިއަދު ވަނީ ރާއްޖޭގައި ތިބި ޗައިނާގެ 67 މީހަކު ވެސް އަނބުރާ ގައުމަށް ފުރާފައެވެ.
ގިނަ އަދަދެއްގެ ބިދޭސީންތަކެއް މިއަދު ރާއްޖެއިން ފުރާފައިވާއިރު، ކޮވިޑް-19 ގެ ނުރައްކާ ރާއްޖޭގައި އެންމެ ބޮޑަށް ބޮޑުވެފައިވަނީ ވެސް ބިދޭސީންގެ މެދުގައެވެ. އެގޮތުން މިހާތަނަށް ރާއްޖެއިން 1216 މީހުން ފައްސި ވެފައިވާއިރު އޭގެތެރެއިން 782 މީހުންނަކީ ބިދޭސީންނެވެ.
