ޝެއިޚް ޒައިދު ކެއްކުމާ ބެހޭ ޕޯސްޓުތައް ކުރައްވާ ސަބަބު ވިދާޅުވެއްޖެ
ޝެއިޚް އަލީ ޒައިދު މި ދުވަސްކޮޅު މީސްމީޑިއާ ގައި ކެއްކުމާއި ބަދިގެ ތެރެއިން ގިނަ ޕޯސްޓުތައް ކުރައްވަނީ ކީއްވެކަން އާންމުންނާއި ހިއްސާކުރައްވައިފިއެވެ.
ޝެއިޚް ޒައިދު މީސް މީޑިއާގެ ހިއްސާކުރެއްވި ޕޯސްޓެއްގައި ބުނެފައިވަނީ މި ދުވަސްކޮޅު ކެއްކުމާ ބެހޭ ޕޯސްޓުތައް އެހާ ގިނައިން ކުރައްވަނީ ކީއްވެތޯ އަހައި ގިނަ ބަޔަކު ސުވާލު ކުރައްވާ ކަމަށެވެ.
އެގޮތުން ޝެއިޚް ޒައިދު ވިދާޅުވީ މާލެ ލޮކްޑައުން ކޮށްފައި އޮތުމާއެކު މި އަހަރު އީދު މި ފާހަގަކުރަނީ އީދު ފާހަގަކުރަން ހަގީގަތުގައި ޖެހޭ ގޮތަށް ކަމަށެވެ. އަދި މިއީ ހަގީގީ "އީދު އުފާ" ގެ ގޮތުގައި ސިފަކުރައްވާފައިވެއެވެ.
އަދި މި އީދުގެ އުފަލުގައި ހުރިހާ އެންމެންވެސް ބައިވެރިވާން ދެކިވަޑައިގަންނަވާކަމަށް ޝެއިޚް ޒައިދު ވިދާޅުވިއެވެ.
ރޯދަމަސްތެރޭގައި ވެސް ޝެއިޚް ޒައިދު ވަނީ ބައެއް ކެއްކުމުގެ ޕޯސްތުތައް ހިއްސާކޮށްފައެވެ. އެގޮތުން ޝެއިޚް 'ފޮޅި' ފިހަން އުޅުމުގެ ތެރޭގައި ހުރިހާ ފޮޅިތަކެއް އެނދި ޕޯސްޓަށް ގިނަ ބައެއްގެ ސަމާލުކަން ލިބިފައިވެއެވެ.
