އުމުރުން ދުވަސްވީ މީހުންގެ ސާމްޕަލް ނެގުން ހުއްޓާލައިފި
އުމުރުން ދުވަސްވީ މީހުންގެ ތެރެއިން ވަރަށް ގިނަ ބަޔަކު ޓެސްޓް ހަދަން ދެކޮޅު ހަދާތީ އެ މީހުންގެ ސާމްޕަލް ނެގުން ހުއްޓާލައިފިއެވެ.
މިރޭ ބޭއްވި ނޫސްވެރިންގެ ބައްދަލުވުމެއްގައި ކޮވިޑް-19ގެ ތަރުޖަމާނު މަބްރޫކް އަޒީޒް ވިދާޅުވީ ޓެގް ޓީމުން ފުރަތަމަ ލަފާދީފައިވަނީ އުމުރުން ދުވަސްވީ މީހުންގެ ތެރެއިން 10 ޕަސެންޓު މީހުންގެ ޓެސްޓު ހަދައިދިނުމަށް ކަމަށާއި އެއީ ގާތްގަނޑަކަށް 350 މީހުން ކަމަށެވެ.
ނަމަވެސް މީގެތެރެއިން ގިނަ ބަޔަކު ޓެސްޓު ހެދުމަށް ދެކޮޅު ހަދަމުންދާތީ، އުމުރުން ދުވަސްވީ މީހުންގެ ތެރެއިން ފަސް ޕަސެންޓް މީހުންގެ ޓެސްޓު ހަދައިދިނުމަށް ޓެގުން ފަހުން ލަފާދީފައިވާ ކަމަށްވެސް މަބްރޫކް ވިދާޅުވިއެވެ. އެއީ 170 ވަރަކަށް މީހުން ކަމަށާއި މީގެތެރެއިން ޓެސްޓު ހެދުނީ 105 މީހެއްގެ ކަމަށްވާއިރު ޕޮޒިޓިވް ވެފައިވަނީ އެންމެ މީހެއް ކަމަށްވެސް މަބްރޫކް ވިދާޅުވިއެވެ.
"ޓެގުން މިހާރު އިރުޝާދު ދީފައިވަނީ މިކަމަކީ އުމުރުން ދުވަސްވީ މީހުންނާއި އެ ބޭފުޅުންގެ އާއިލާތަކުން ކަންބޮޑުވާ ކަމަކަށްވެ، މިކަމަށް ދެކޮޅު ހައްދަވަމުންދާ ކަމަކަށް ވެސް ވުމާއެކު، ދެން މިކަން މިގޮތަށް ކުރިއަށް ނުގެންދިޔުމަށް" މަބްރޫކް ވިދާޅުވިއެވެ.
އިތުރު ތަފްސީލު އަންނަނީ...
