މަޖިލިސް މިހާރު ހިންގަނީ ޓްވިޓާގައި : ހައިލަމް
ރައްޔިތުންގެ މަޖިލިސް މިހާރު ހިންގަނީ ޓްވިޓާގައި ކަމަށް ކްރިމިނަލް ކޯޓުގެ ކުރީގެ އިސް ގާޒީ އަހްމަދު ހައިލަމް ވިދާޅުވެއްޖެ އެވެ.
ހައިލަމް މި މޭރުމުން ވާހަކަފުޅު ދައްކައިފައިވަނީ ކުރެއްވި ޓްވީޓެއްގައެވެ.
އެގޮތުން ބަލިމަޑުކަމާއި ގުޅިގެން ނުރައްކަލުގެ ހާލަތު އިއުލާނު ކުރުމަކީ ރައީސުލްޖުމްހޫރިއްޔާ ގެ ބާރެއް ކަމަށާއި އެބާރު އެހެން ފަރާތަކަށްދީ ޤާނޫނެއް ހެދުމަކީ ޤާނޫނުއަސާސީއާ ޚިލާފަށް ކޮށްފައިވާ ކަމެއް ކަމުގައި ހައިލަމް ވިދާޅުވެފައިވެއެވެ.
އަދި މި ދަނޑިވަޅުގައި ޓްވިޓާ ތެރޭގައި މަޖިލިސް ހިންގުން ހުއްޓާލައި މިކަމުގައި ސުޕްރީމް ކޯޓުގެ ލަފަޔެއް ހޯދުން މާ ބުއްދިވެރި ކަމުގައި ހައިލަމް ވިދާޅުވިއެވެ.
ބަލިމަޑުކަމަކާ ގުޅިގެންވިޔަސް ކނޙ އިޢުލާނު ކުރުމަކީ ރޖ ގެ ބާރެއް.
އެބާރު އެހެން ފަރާތަކަށްދީ ޤާނޫނެއް ހެދުމަކީ ޤާނޫނުއަސާސީއާ ޚިލާފަށް ކޮށްފައިވާ ކަމެއް.
ޓްވިޓަރގައި މަޖިލިސް19 ހިންގުމުގެ ބަދަލުގައި، މިޙާލަތުގައި މަޖިލީހުން ސުޕްރީމް ކޯޓުގެ ލަފަޔެއް ހޯދުން ބުއްދިވެރި.— Ahmed Hailam (@AhmedHailam) May 25, 2020
ހައިލަމް މި މޭރުމުން ވާހަކަފުޅު ދައްކަވާފައިވަނީ އެޗްޕިއޭ ގެ ހުއްދައެއްނެތި މަޖިލިސް ރައީސް ލ؛ޮކްޑައުންގެ ހާލަތުގައި، މަޖިލިސް ތަޅުމުގައި ޖަލްސާ ބާއްވަން ތާވަލުކުރުމުން ކަމުގައި ބެލެވެއެވެ.
ނަމަވެސް ޖަލްސާ ތާވަލް ކުރި ފަހުން އެޗްޕީއޭ އިން ވަނީ އެކަމަށް ހުއްދަ ދީފައެވެ.
