ލ. ގަމުގައި ދަންވަރު ގެއަކަށް ވަދެ އަންހެނަކު ރޭޕް ކޮށްފި

ލ. ގަމުގައި މަސްތުހާލަތުގައި ހުރި މީހަކު އުމުރުން 20 އަހަރުގެ އަންހެން ކުއްޖަކު ރޭޕް ކުރި މައްސަލައެއް ފުލުހުން ބަލަން ފަށައިފިއެވެ.

Ads by Sosun Fihaara

ފުލުހުން ބުނީ އެ އަންހެން މީހާއާ ގަދަކަމުން ޖިންސީ ގުޅުން ހިންގާފައި ވަނީ މެއި 24 ވަނަ ދުވަހުގެ ރޭގަނޑު ދަންވަރުގެ ވަގުތެއްގައި ކަމަށާއި މި މައްސަލަ ފުލުހުންނަށް ހުށަހަޅާފައި ވަނީ އިއްޔެގެ ވަގުތެއްގައި ކަމަށެވެ.

އަދި އެ މައްސަލައާ ގުޅިގެން ފުލުހުން މިއަދުގެ ވަގުތެއްގައި ކޯޓު އަމުރެއްގެ ދަށުން 28 އަހަރުގެ ދިވެހި ފިރިހެނަކު ހައްޔަރުކޮށްފައިވާ ކަމަށް ފުލުހުން ބުނެއެވެ.

އަދި މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.