ކޮވިޑް ގިނަވާއިރު ފަޔާއި އަތުން ފެންނަ އަލާމާތްތައް ބޭހެއް ބޭނުން ނުކުރިޔަސް ރަނގަޅުވޭ!

ކޮވިޑް-19 ޖެހޭ ކުޑަކުދިންގެ ފަޔާއި އަތުން ފެންނަ އަލާމާތްތައް ފަރުވާއަކާ ނުލައި މަސްދުވަސް ތެރޭ ރަނގަޅުވާ ކަމަށް ދިރާސާ އަކުން ދައްކައިފިއެވެ.

Ads by Hajj Corporation

ކުޑަކުދިންގެ ހާއްސަ ޑޮކްޓަރު އަހްމަދު ފައިސަލް ކުރެއްވި ޓުވީޓެއްގައި ވިދާޅުވީ ފްރާންސްގައި އެންމެ ފަހުން ހަދާފައިވާ ދިރާސާއަކުން ދައްކާގޮތުން ކޮވިޑް ޖެހިފައިވާއިރު 55 ޕަސެންޓް ކުދިންގެ ގައިން ބަލީގެ އިތުރު ކަމެއް ނުފެންނަ ކަމަށެވެ.

ޑރ. ފައިސަލް ވިދާޅުވީ މިހާތަނަށް 41 ޕަސެންޓް ކުދިންގެ ގައިން ހިރުވުމާއި، 32 ޕަސެންޓް ކުދިންގެ ގައިން ތަދު އިހްސާސް ވުމާއި، 40 ޕަސެންޓް ކުދިންގެ ގައިން ކެއްސުމާއި އަދި ނުވަ ޕަސެންޓް ކުދިންގެ ގައިން ބޭރަށް ހިންގުމުގެ އަލާމާތް ފެނިފައިވާ ކަމަށް އެދިރާސާއިން ދައްކާ ކަމަށެވެ.

"އެތަނުން އެއް ކުއްޖަކު ޕީސީއާރަށް ފައްސިވީ" ޑރ. ފައިސަލް ވިދާޅުވިއެވެ.