"މީސް މީޑިއާގައި ރައްޔިތުންގެ ނުރުހުމުގެ ޝުޢޫރުތައް ނަޝީދުއާ ދިމާލަށް ބަންޑުންވެ ނިމިއްޖެ"

މީސް މީޑިއާގައި ރައްޔިތުންގެ ނުރުހުމުގެ ޝުޢޫރުތައް ކުރީގެ ރައީސް މުހައްމަދު ނަޝީދުއާ ދިމާލަށް ބަންޑުންވެ ނިމިއްޖެ ކަމަށް އެމްޑީޕީގެ ކުރީ ނައިބް ރައީސް އަލްހާން ފަހުމީ ވިދާޅުވެއްޖެއެވެ.

Ads by MWSC

ކޮވިޑް-19އާ ގުޅިގެން މާލެ ސަރަހައްދު ލޮކްޑައުން ކޮށްފައި ވަނިކޮށް މަޖިލީހަށް މެމްބަރުން ހާޒިރުވެގެން ޖަލްސާތައް ބާއްވަން އިއްޔެ ވަނީ ފަށާފަ އެވެ.

މެމްބަރުން މަޖިލީހަށް ހާޒިރުވެގެން ޖަލްސާތައް ބާއްވަން ފެށީ ލޮކްޑައުން ނިމެންދެން އިތުރަށް މަޑުކުރެވެން ނެތް ކަމަށް ޑިރެކްޓާ ޖެނެރަލް އޮފް ޕަބްލިކް ހެލްތް މައިމޫނާ އަބޫބަކުރަށް އެންގެވުމަށް ފަހު ކަމަށް މަޖިލީހުގެ ރައީސް މުހައްމަދު ނަޝީދު ވަނީ ވިދާޅުވެފަ އެވެ. އެކަމާ ގުޅިގެން ބައެއް ފާޑުކިޔުންތައް ވަނީ އަމާޒުވެފަ އެވެ.

އެކަމާ ގުޅިގެން އަލްހާން ކުރެއްވި ޓްވީޓެއްގައި ވިދާޅުވީ މީސް މީޑިއާގައި ރައްޔިތުންގެ ނުރުހުމުގެ ޝުޢޫރުތައް ނަޝީދާ ދިމާލަށް ބަންޑުންވެ ނިމިއްޖެ ކަމަށާއި ކުރީގެ ރައީސް މައުމޫން އަބްދުލްގައްޔޫމް ހެއްދެވި ގޯސް ނަޝީދުވެސް ހައްދަވަނީތޯ ސުވާލު އުފައްދަވާފައެވެ.