ސަޕްލައި ޑޮޓް އެމްވީ އިން އޮންލައިން ނައިޓް މާކެޓެއް ބާއްވަން ނިންމައިފި
ސަޕްލައި ޑޮޓް އެމްވީ އިން އޮންލައިން ނައިޓް މާކެޓެއް ބާއްވަން ނިންމައިފިއެވެ.
ރާއްޖޭގައި ފުރަތަމަ ފަހަރަށް ބާއްވާ އޮންލައިން މާކެޓް އަދި އެކްސްޕޯ އާ ގުޅޭގޮތުން ސަޕްލައި ޑޮޓް އެމްވީގެ ސީއީއޯ ރާއިދް ޝާޒް ވަލީދު ވިދާޅުވީ މި ނައިޓް މާކެޓުގައި ބައިވެރިވުމުގެ ހުޅުވާލާފައިވާ ކަމަށެވެ. މިއީ ސަޕްލަޔަރުންނާއި ރިސޯޓުތައް ފަދަ ހޯލްސޭލް ވިޔަފާރިތަކަށް ޚާއްސަ އޮންލައިން އެކްސްޕޯއެއް ކަމަށާއި މިއީ ވިޔަފާރީގެ މުސްތަޤްބަލް ކަމުގައި ދެކޭކަމަށް ވެސް އޭނާ ވިދާޅުވިއެވެ.
މި ނައިޓް މާކެޓާއި އެކްސްޕޯ ބާއްވާނެ ތާރީޚު ވަރަށް އަވަހަށް އިޢުލާނު ކުރާނެ ކަމަށްވެސް ރާއިދު ވަނީ ވިދާޅުވެފައެވެ. އޭނާ ވިދާޅުވީ ރާއްޖޭގައި މިފަދަ ބީޓުބީ ޕްލެޓް ފޯމެއް އަދިނެތް ކަމަށާއި މިހާރުވެސް ސަތޭކައަށް ވުރެ ގިނަ ސަޕްލަޔަރުންގެ ހަސަތޭކައަށްވުރެ ގިނަ ބްރޭންޑުގެ ތިންހާސް ފަސްސަތޭކައަށްވުރެގިނަ ޕްރޮޑަކް އެ ޕްލެޓްފޯމްގައި ފީޗަރ ކުރެވިފައިވާކަމަށެވެ.
އެކްސްޕޯ އާއި ނައިޓް މާކެޓްގައި ބައިވެރިވާން ބޭނުން ފަރާތްތަކަށް މިކަމުގެ އިތުރު މަޢުލޫމާތު www.supply.mv އިން ލިބިވަޑައިގަންނަވާނެ ކަމަށް އެފަރާތުން ބުނެފައިވެއެވެ.
Ads by STO
