ލުއި ދިނުމުން ދެކުނު ކޮރެއާ ގައި ކޮވިޑް ޖެހުނު މީހުންގެ އަދަދު އިތުރުވެ، މުޅި ގައުމު އަނެއްކާ ލޮކްޑައުން އަކަށް
ދެކުނު ކޮރެއާގައި ލޮކްޑައުން އަށް ލުއިތަކެއް ދިނުމާއެކު ވައިރަސް ޖެހުނު މީހުންގެ އަދަދު އިންތިހާއަށް އިތުރު ވެ އަލުން މުޅި ގައުމު ލޮކްޑައުން ކޮށްފިއެވެ. ލޮކްޑައުން އަށް ލުއި ދިނުމުން ވައިރަހުގެ ކޭސްތައް ވަނީ ފާިތުވި 50 ދުވަހު އިތުރުނުވާ މިންވަރަށް އިތުރުވެފައެވެ.
އެގޮތުން ބުރާސްފަތި ދުވަހު ވަނީ އިތުރު 79 މީހަކަށް ވައިރަސް ޖެހިފައެވެ. އަދި އޭގެ ތެރެއިން 67 ކޭސް އަކީ ސޯލް އިން ރިޕޯޓުކުރެވުނުު ކޭސްތަކެވެ.
ހަމައެއާކު އެ ދުވަހު އެގައުމުގެ ހެލްތް މިނިސްޓަރު ޕާކް ނުންހޫ ވަނީ ހަރުކަށި ސޯޝަލް ޑިސްޓެންސިން ފިޔަވަޅުތަކެއް ދެ ހަފްތާ ގެ މުއްދަތަށް އަޅާފައެވެ.
އެގައުމުގައި އެއް އިއުލާނު ކުރި އެއް މަހުގެ ލޮކްޑައުން ނިމިފައިވަނީ 6 މޭގައެވެ. އެއަށް ފަހު އެގައުމުން އަންނަނީ ފިޔަވަހިތަކަކަށް ބަހާލައިގެން ލުއި ތަކެއް ދެމުންނެވެ.
ދެކުނު ކޮރެއާ އިން މިހާތަނަށް 11,402 މީހަކަށް ވައިރަސް ޖެހިފައިވާއިރު 269 މީހަކު ވަނީ މަރުވެފައެވެ.
