ރާއްޖެއިން ފައްސިވި ބިދޭސީންގެ އަދަދު އެއް ހާހަށް ވުރެ މައްޗަށް
ރާއްޖެގައި ކޮވިޑް19 އަށް ފައްސިވި ބިދޭސީންގެ އަދަދު އެއް ހާހަށް ވުރެ މައްޗަށް އަރައިފިއެވެ. އެގޮތުން މިރޭ ފައްސިވި 22 ބިދޭސީންނާއެކު ޖުމްލަ 1006 ބިދޭސީއަކު ވަނީ ވައިރަހަށް ފައްސިވެފައެވެ.
ފައްސިވި ބިދޭސީންގެ ތެރޭގައި އެންމެ ގިނައީ ބަންގްލަދޭޝް ގެ ރައްޔިތުންނެވެ. އެގޮތުން ބަންގްލަދޭޝް ގެ 806 މީހަކު ވަނީ ވައިރަހަށް ފައްސިވެފައެވެ.
ބަންގްލަދޭޝް ގެ އިތުރުން ދެން އެންމެ ގިނަ ބަޔަކު ފައްސިވެފައިވަނީ އަވައްޓެރި އިންޑިއާ އިންނެވެ. އިންޑިއާ އިން ވަނީ ޖުމްލަ 150 މީހަކު ވައިރަހަށް ފައްސިވެފައެވެ.
މީގެ އިތުރުން ވެސް ނޭޕާލް ގެ 23 މީހަކާއި، އަވައްޓެރި ލަންކާ ގެ 9 މީހަކާއި ޕާކިސްތާނުގެ 4 މީހަކު ވަނީ ފައްސިވެފައެވެ.
ހަމައެހެންމެ އިޓަލީ އިން ރާއްޖެ އައި 11 ފަތުރުވެރިންނާއި އިތުރު 4 ފަތުރުވެރިއަކު ވެސް ހިމެނެއެވެ.
ބިދޭސީންގެ މެދުގައި ވައިރަސް އެހާ ބޮޑަށް ފެތުރިގެންގޮސްފައިވަނީ ތޮއް ޖެހިގެން ދިރިއުޅުމުން ކަމުގަި މީގެ ކުރިން ކަމާބެހޭ އިދާރާތަކުން ވަނީ ބުނެފައެވެ.
